Тәмәке бәлага сәбәп булды: Алексеевскида янгын чыккан

Ут шәхси йортның ябык ишегалдында урнашкан каралты-курада кабынып китә.

Янгын сүндерү бүлекчәләренең вакытында хәбәр итүе һәм оператив гамәлләре нәтиҗәсендә янгынны иртә стадиядә сүндерергә мөмкин булды. Ут таралуга юл куелмаган, торак йортны коткарып кала алганнар. Зыян күрүчеләр юк.

Беренчел мәгълүматлар буенча, янгынның сәбәбе - тәмәке тартканда саксызлык.

Алексеевск һәм Балык Бистәсе муниципаль районнары буенча күзәтчелек эшчәнлеге һәм профилактика эшләре районара бүлекчәсендә билгеләп үтүләренчә, ут белән саксыз эш итү, бигрәк тә тәмәке тартканда, торак секторда янгыннарның иң киң таралган сәбәпләренең берсе булып кала.

Белгечләр халыкка элементар янгын куркынычсызлыгы чараларын төгәл үтәргә кирәклеген искәртә. Аерым алганда, урын-җирдә яки кабызылган тәмәке белән йоклап китү куркынычы булганда арган хәлдә тәмәке тартырга ярамый. Бары тик янмый торган материаллардан эшләнгән, әйләнеп төшүгә чыдам көл савытларын гына кулланырга һәм һич кенә дә яна торган тәмәке төпчекләрен күзәтүсез калдырмаска кирәк.

Шулай ук сүнмәгән тәмәке төпчекләрен балконнан ташлау яки көл савытларын чүп чиләкләренә бушату да куркыныч — бу еш кына көнкүреш калдыкларының януына китерә.

Күзәтчелек органнары хезмәткәрләре ассызыклаганча, үз иминлегеңә игътибарлы булу һәм гади саклык чаралары җитди нәтиҗәләрне булдырмый калырга һәм милекне, ә иң мөһиме — кеше гомерен саклап калырга ярдәм итә.