Тыл хезмәтчәненә югары дәрәҗәдә котлаулар
Шул ук көнне туксан биш яшьлек юбилее белән тыл хезмәтчәне, Алексеевск районында туып үскән Антонина Васильевна Семёнова да котлаулар кабул итте.
Аңа да Россия Президенты Владимир Путиннан котлау открыткасы, Татарстан Республикасы Рәисеннән азык-төлек пакеты һәм район башлыгы Сергей Демидовтан бүләк һәм котлау открыткасы тапшырылды.
Антонина Васильевна 1931 елның 14 мартында ТАССРның Алексеевск районы Масловка авылында туган. Биш сыйныф белем алганнан соң гаиләгә ярдәм итә — әти-әнисе эштә чакта кечкенә энеләрен карый. Унике яшеннән үзе дә эшли башлый: әнисе белән басуларда чүп утый, кышын басуларда кар тоту эшләрендә катнаша.
Сугыш елларында үсмерләр олыларны алыштыра: сыерлар белән җир тырмалыйлар, көлтә бәйлиләр, урман әзерләү эшләренә йөриләр. Сугыштан соң колхозда эшли. 1957 елда кияүгә чыгып, ире белән Гремячка авылына күчә, анда тимер юлда хезмәт куя. 1963 елда гаилә яңадан туган Масловка авылына кайта. Биредә Антонина Васильевна пенсиягә чыкканчы колхозда дуңгыз караучы булып эшли. Дуңгызчылык фермасында ул 25 ел хезмәт итә, ә гомуми хезмәт стажы 42 ел тәшкил итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев