Хуҗалыкны үстерүгә яхшы ысул

Үзенең фермер хуҗалыгын үстерү өчен ул 4 миллион 819 мең 500 сум күләмендә грант алачак.

Линар Хәмәтвәлиeв өлешчә мобилизация кысаларында хәрби хезмәткә чакырылды. СВО зонасында ул лейтенант званиесендә хезмәт итте, взвод белән җитәкчелек итте һәм Донецк Халык Республикасының Марьинка районында хәрби бурычлар үтәде. Батырлык һәм хәрби бурычын намуслы башкарган өчен ул Жуков ордены һәм «СВО катнашучысы» медале белән бүләкләнде.

2025 ел ахырында сәламәтлек хәле буенча ул демо-билизацияләнеп, туган йортына кайтты. Кире әйләнеп кайткач, үзенең киләчәген авыл хуҗалыгы белән бәйләргә карар кылды. Бүген Линар Кәлимулла улы 100 гектар авыл хуҗалыгы җирләрен арендага алып, көнбагыш үстерү белән шө-гыльләнә.

Хуҗалыкны үстерүдә дәүләт ярдәме зур роль уйный. «Агромотиватор» гранты махсус рәвештә СВО ветераннары һәм авыл хуҗалыгы белән шөгыльләнергә теләгән катнашучылар өчен булдырылган. Программа башлангыч фермерларны хуплауга һәм авылда аграр эшмәкәрлекне үстерүгә юнәлтелгән.

Грант чаралары авыл хуҗалыгы техникасы һәм җиһазлар, терлек, орлык, утырту материалы һәм башка җитештерү ихтыяҗлары өчен кулланыла ала. Линар Хәмәтвәлиeв очрагында алынган акчалар туфрак эшкәртү техникасы сатып алуга юнәлтеләчәк. Бу кыр эшләренең нәтиҗәлелеген арттырырга һәм хуҗалыкны алга таба үстерү өчен нигез булдырырга мөмкинлек бирәчәк.

Бүген махсус хәрби операциядә катнашучыларга ярдәм дәүләт сәясәтенең өстенлекле юнәлеш-ләренең берсе булып кала. Ветераннарга яңа һөнәр үзләштерергә, үз эшен ачарга яки инде булган җитештерүне үстерергә ярдәм итәләр. Шундый инс-трументларның берсе — «Агромотиватор» программасы, ул илне яклаган кешеләргә тыныч тормышта үзләрен табу мөмкинлеге бирә.

Алексеевск районы өчен Линар Хәмәтвәлиeвның конкурс сайлап алуда җиңүе аерым әһәмияткә ия. Бу — хәрби хезмәттән кайткан кешенең туган җир файдасына хезмәт итүен дәвам итүенә үрнәк. Мондый тарихлар тырышлык, хезмәт сөючәнлек һәм дәүләт ярдәме ярдәмендә үз эшен уңышлы үстереп, киләчәккә планнар корып булуын күрсәтә.

Алынган грант фермер хуҗалыгы өчен зур терәк булачак һәм планлаштырылган проектларны тормышка ашыруга ярдәм итәчәк. Димәк, алда — яңа казанышлар, җитештерүне үстерү һәм Алексеевск районының агросәнәгать комплексын ныгытуга өлеш кертү.