Эшлекле дүшәмбе кысаларында җитәкче вазыйфаларга яңа кешеләр билгеләнүе турында игълан ителде

Мәдәният бүлеге начальнигы вазыйфаларын башкаручы итеп Артур Геннадьевич Соловьёв билгеләнде.

«Җәмәгать тәртибен саклау» буенча яшьләр (мәктәп укучылары) берләшмәләре Алексеевск территориаль үзәге муниципаль бюджет учреждениесе (ФОРПОСТ) директоры итеп Лилия Юныс кызы Кашапова билгеләнде, ул Николай Михайлович Гордеевны алмаштырды. Район башлыгы Сергей Демидов Николай Михайловичка нәтиҗәле хезмәте өчен рәхмәт әйтте һәм уңышлар теләде.

Алексеевск картлар һәм инвалидлар интернат-йорты директоры итеп Ефим Иванович Буланов билгеләнде.