Министр бүләкләде

Чемпионнарны билбау көрәше федерациясе президенты, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов бүләкләде. Чарада шулай ук Билбау көрәше федерациясе башкарма директоры, билбау көрәше халыкара федерациясе генераль секретаре Хәбир Хәбибуллин катнашты.

Спортчылар белән очрашуны ачып, министр урынбасары Марат Әхмәтов чемпионнарны уңышлары белән котлады. «Көрәш-көч, куәт, энергия һәм тәҗрибә генә түгел, ә тулы фәлсәфә дә. Һәм анда иң авыры-үз-үзең белән көрәш. Нәрсәгә дә карамастан, алга бару һәм үз-үзеңне җиңәргә көндәшкә караганда авыррак», - дип билгеләп үтте Марат Әхмәтов.

Министрлык стеналарында бүген республиканың төрле почмакларыннан: Актаныш, Нурлат, Тукай, Зәй, Алексеевск һәм башка районнардан балалар җыелды. Аларның барысын да ныклы характер һәм көчле ихтыяр берләштерә. Алар мактанырга яратмый, җиңәргә нәрсә ярдәм итә, дип сорагач, беренче чиратта, әти-әниләребезнең, тренерларыбызның ярдәме, туган авылларыбызда яки шәһәребездәге спорт белән шөгыльләнү өчен тудырылган яхшы шартлар, диләр.

Шунысы игътибарга лаек, билбау көрәшен егетләр генә түгел, кызлар да сайлый.

Марат Әхмәтов чара барышында чемпионнарны һәм призерларны гына түгел, аларның тренерларын да бүләкләде. Чөнки нәкъ менә аларның көндәлек эш нәтиҗәсендә балалар чемпион булып үсәләр.