Россия көне алдыннан ун яшь алексеевскилы паспортлар алдылар

Гражданинның төп документы белән бергә егетләр һәм кызлар район башлыгыннан һәм «Бердәм Россия» партиясеннән бүләкләр дә алдылар. ЗАГС бүлегендә 14 яше тулган Россия Федерациясенең яшь гражданнарына тантаналы рәвештә паспортлар тапшырылды. Бу вакыйга белән балаларны район башлыгы урынбасары Галина Белова һәм «Бердәм Россия» партиясе башкарма комитеты җитәкчесе Татьяна Куприянова котлады. Кунаклар бүләкләр тапшырдылар. Паспортларны миграция пункты җитәкчесе Светлана Скворцова тапшырды.

Паспорт тапшыру тантанасында Алексеевск районы яшьләре Ватанга ант бирделәр:

«Россия гражданины исемен намус белән һәм лаеклы йөртү, үз хезмәтебез белән данны, байлыкны арттыру һәм һәрвакыт илебезнең төп Законы - Россия Федерациясе Конституциясенә, ата-бабаларыбызның, бөек халкыбызның эшенә тугры булырбыз!»