Сабантуй-2022 бәйрәм программасы

Тантаналы ачылыш сәгать 10да була, ә аннары күңел ачу һәм концерт программасы башланачак. Ат чабышлары 11дә узачак, ә 11:30да танылган татар җырчысы Салават Фәтхетдинов катнашында концерт булачак. Беренче тапкыр Алексеевскида мотоблокларда ярыш узачак. Бәйрәм программасында шулай ук армреслинг, гер күтәрү, аркан тарту, волейбол, баганага менү, көрәш, стритбол буенча спорт ярышлары да бар. Кунакларны бик күп халык уеннары көтәчәк: көянтә белән йөгерү, йомырка белән йөгерү, капчык киеп йөгерү, чүлмәк вату, капчык белән сугышу һ.б.лар. Моннан тыш, иң җитезләре «Футболкалар белән атышу», «Тайгак футбол» интерактив аттракционында бушлай катнаша һәм кул белән балык тота алачаклар. Балык тоту өчен катнашучыларга бассейнга кереп, анда тере балык тотарга кирәк булачак. Балалар өчен бушлай мастер-класслар оештырылачак, шулай ук татлы мамык һәм попкорн булачак. Бу көнне мәйданга 2 рейс автобус планлаштырылган: сәгать 9да һәм 9:35тә. Маршрут: Мамонов урамы - Сельхозхимия - «Кама» кинотеатры - «Факел» кибете - «Пенсия фонды» - Совет урамы - 2нче мәктәп - «Красный Восток» клубы – «Сабантуй». Бәйрәм тәмамланганнан соң автобус кунакларны сәгать 13тә һәм 13:35тә кире шул ук маршрут белән илтәчәк. 0+