Бистәбез тагын да матураячак

Бу атна дәвамында бистә территориясендә 7 мең агач утыртылды.
Чыршылар, юкәләр, миләшләр, каеннар һәм куак чияләр-бары тик Оренбург юлы буенда гына да яшел утыртмалар саны 3 меңгә артты, 2,5 мең үсенте-яңа Мәйданны, 1,5 мең үсенте район үзәге урамнарын бизәде.
Яшелләндерү эшләренең төп күләме урман хуҗалыгы белгечләре җитәкчелегендә 8 октябрьдә, Урман утырту көнендә, башкарылды, алар ук хезмәт ияләрен утырту материалы белән дә тәэмин иттеләр. Шушы игелекле эштә район предприятиеләре һәм оешмаларының 800 хезмәткәре катнашты.