Йомгак ясалды

Район Советы залында башлангыч бүлекчә делегатлары партиянең җирле бүлекчәсе секретаре Владимир Козонковны тыңладылар. Аның сүзләренә караганда, быел сайлаулар катлаулы узган, чөнки "Бердәм Россия"нең көндәшләрен 60тан артык сәяси партия тәшкил иткән.

- Бу шартларда үз тавышын безнең депутатлар өчен биргән халыкның ярдәме кыйммәтле, - диде Владимир Константинович.

Ромодан башлангыч бүлекчәсе эшчәнлеге турында Владимир Репин хисап бирде.

Алексеевскилылар алдында партия эшен ничек күрүе турындагы фикерләре белән социаль сәясәт буенча Татарстан Республикасы Дәүләт Советы Комитеты Рәисе урынбасары Татьяна Воропаева уртаклашты.

Конференция барышында җирле бүлекчәнең сәяси советы составында үзгәрешләр булып узды. Мәсәлән, Алик Җиһаншин урынына советка Рашат Зарипов сайланды. Шулай ук партиянең 4 яңа әгъзасы партия билетлары алды, ә төбәк бүлекчәләренең Мактау грамоталары белән Лебедино һәм Сахаровка башлангыч бүлекчәләре секретарьлары Юрий Тюкарев белән Людмила Шаброва бүләкләнде.

Татарстан Президенты исеменнән Владимир Козонков Дәүләт Советы депутаты Фоат Вәлиевка "Ел хәйриячесе-2014" бүләген тапшырды.