Алексеевскида мәдәният хезмәткәрләре өчен иминлек уены узды

Хезмәтне саклау өлкәсендә ком-петенцияләрне арттыруга юнәлтелгән чара мәдәният учреждени-еләренең дүрт профсоюз оешмасын бер-ләштерде.

Уен-викторина Россия мәдәният хезмәткәрләре гомумроссия профсоюзының Татарстан республика оешмасы инициативасы белән, район башкарма комите-тының мәдәният бүлеге һәм Алексеевск районы мәдәният учреждениеләре җи-тәкчеләре ярдәмендә үткәрелде.

Иң яхшылар исеменә интеллектуаль һәм практик көрәштә үзәкләштерелгән китапханәләр системасы, балалар сәнгать мәктәбе, Туган як музее һәм район мәдәният йорты командалары көч сынашты. Катнашучыларга теоретик белемнәрен генә түгел, ә гадәти булмаган хәлләрдә дөрес эш итә белүләрен дә күрсәтергә туры килде.

Уен программасы бик бай булды. Мәдәният хезмәткәрләре хезмәтне саклау буенча катлаулы сорауларга җавап бирде, ситуацияле бурычларны хәл итте. Тамашачыларда һәм жюрида капитаннар конкурсы аеруча кызыксыну уятты — анда команда җитәкчеләренә чикләнгән вакыт эчендә кайсы факт — чынбарлык, ә кайсысы — иминлек өлкәсендә киң таралган миф икәнен билгеләргә кирәк иде.

Уенның йомгаклау өлеше конкрет һөнәри ситуацияне анализлаудан торды. Бу бирем катнашучылардан регламентларны белүне генә түгел, ә иҗади якын килүне дә таләп итте.

Барлык сынаулар нәтиҗәләре буенча җиңүне үзәкләш-терелгән китапханәләр системасы командасы яулады. Нәкъ менә алар-га «Мәдәнияттә иминлек сәнгате» уенының республика этабында Алексеевск районы данын яклау хокукы бирелде. Командага киләсе этапта уңышлар телибез.