Бөтен ишегалды белән гаилә бәйрәме

Чараны оештыручылар, Ветераннар советы һәм мәдәният бүлеге Набережная урамындагы 11 һәм 13нче йортларда яшәүчеләр өчен күңелле мәдәни программа әзерләделәр. Үзешчәннәр башкаруындагы җырлар тамашачыларны үз урыннарыннан торып биергә чакырды. Өстәвенә, өлкән яшьтәге кешеләр генә түгел, балалар да биеделәр. Артистларны чыгышлары өчен берничә тапкыр көчле алкышларга күмделәр. Бигрәк тә «Лялечка» шаян җырын башкарган кечкенә кызчык Алена Фурасова бөтен кешене дә сөендерде. Кичәне алып баручы Анна Левшина әлеге чагыштырмача яңа бәйрәмнең тарихы турында сөйләде, ул да тамашачыларга бик кызыклы булды. Ә ветераннар советы рәисе Елена Макарихина мондый бәйрәмнәр аркасында күршеләр тагын да дусрак һәм бердәмрәк була дип билгеләп үтте.