“Җәлил укуларында” катнашу өчен 105 яшь шигырь укучы Алексеевскига килде

Нурлат, Яңа Чишмә, Аксубай, Әлки, Чистай һәм Алексеевск районнарыннан килгән егетләр һәм кызлар жюри хөкеменә татар шагыйренең шигырьләрен тәкъдим иттеләр. Конкурсантлар, рус, татар һәм халыкара телләрдә Муса Җәлил шигырьләрен укып, җиде номи-нациядә чыгыш ясадылар. Шулай ук шагыйрьнең шигырьләрен коллектив башкару һәм фронтовик-шагыйрьләрнең әсәрләрен уку бәяләнде. Балалар аеруча үзләре язган шигырьләр күңелгә бик ятышлы иде.

Район башлыгы исеменнән конкурста катнашучыларны башкарма комитет җитәкчесе урынбасары Николай Чурин сәламләде, зона этабын Муса Җәлил көрәштәшләре Салих Баттал һәм Абдулла Батталның туган җирендә генә үткәрергә кирәк, дип билгеләп үтте ул.

Жюри рәисе, Бөтендөнья татар конгрессы вәкиле Алмаз Нургалиев чакырулары өчен рәхмәт белдерде һәм зона этабының Алексеевск районында очраклы гына үткәрелмәвен билгеләп үтте:

- Муса Җәлил, әсирлектә булганда, немец илбасарларына каршы Алексеевск районында туып-үскән, күренекле якташларыбыз-бертуган Батталлар белән көрәште. Катнашучыларга уңышлар телим. Үз иҗатыгызны үстерүегезне дәвам итегез һәм Ватан геройлары турында истәлекләрне саклагыз.

Сайлап алу этабына нәтиҗәләр соңрак билгеле булачак.