Үз җырчыбызга булышыйк

Төгәлләнеп килүче әлеге иҗат бәйгесенең турыдан-туры трансляциясен кичке 10да "Россия, Казан, Универсиада" тапшыруында ТНВ һәм ТНВ-Планета телеканалларыннан карарга мөмкин. Бу юлы Нәргиз Луиза Батыр-Болгариның Резеда Вәлиева сүзләренә язылган "Кичке Казан утлары" җырын башкарачак. Конкурс барышында тамашачылар иң яхшы җырга SМS-тавыш бирәчәкләр. Районда яшәүчеләр дә аның файдасына үз кыска хәбәрләрен җибәреп, үзебезнең җырчыга булыша алачаклар.