Ике педагог “Земство укытучысы” программасы кысаларында Алексеевск районына күчеп килергә риза

Авыл мәктәпләрендә белгечләр җитәрлек булмау белем бирү процессының сыйфатын сизелерлек киметә. Кадрлар дефициты имтиханнар тапшыру нәтиҗәләренә дә йогынты ясый. Татарстан Республикасының 14 районы әлеге программада катнашты. 13 педагог, безнең төбәкне педагогик эшчәнлек өчен сайлап, 1 сентябрьдән ук эшкә керешәчәкләр.

Унөч Алексеевск мәктәбе кадрлар белән тулыландыру өчен гариза бирде. Алар арасыннан 4 мәктәп сайлап алынды: 1 нче Алексеевск мәктәбе, Г.С. Боровиков исемендәге 3нче Алексеевск мәктәбе, Биләр мәктәбе, Юеш Көрнәле мәктәбе. Татарстан Республикасының Мәгариф һәм фән министрлыгы комиссиясе конкурс сайлап алуында 13 кешедән торган җиңүчеләр исемлеген раслады.

Җиңүчеләр арасыннан ике укытучы – рус теле һәм әдәбияты укытучысы һәм инглиз теле укытучысы район үзәгенең 1 нче мәктәбендә эшләргә теләк белдерде.

Без педагоглар белән элемтәгә кердек һәм алар безгә конкурс сайлап алуының ничек узуы һәм ни өчен алар нәкъ менә Алексеевск районын сайлап алулары турында сөйләделәр.

«Конкурс комиссиясе претендентларны тулы күләмдә тапшырган документлар буенча бәяләде. Мәгариф өлкәсендә эш тәҗрибәсе, квалификация категориясе һәм педагогик эшчәнлектә башка казанышлар исәпкә алынды. Мин бу этапны уңышлы уздым. Алексеевск районында киләчәк хезмәт эшчәнлегемдә минем өчен төп бурычлар – белем бирүнең сыйфатының уңай динамикасына ирешү, укытуның заманча методларын кулланып укучыларның чит телне өйрәнүдә мотивациясен арттыру», – дип сөйләде чит тел укытучысы Гөлнара Венер кызы Сафина.

«Минем исемем Регина Николаевна Александрова. Мин Татарстан Республикасында «Земство укытучысы» дәүләт программасының конкурс сайлап алуның җиңүчесе. Конкурс сайлап алуы бик авыр, әмма гадел иде. Әлеге программада җиңүче булу өчен берничә күрсәткечкә ия булырга кирәк: педагогик белем, эш стажы, квалификация категориясе, укытучы һәм укучыларның дипломнары һәм грамоталары булу. Авыл мәктәпләре – хөкүмәтнең игътибар үзәгендә булганга мин әлеге проектта катнашырга булдым. Күппрофильле лицейда 11 еллык эш стажым булганга, мин рус телен һәм әдәбиятын укыту буенча үз белемнәрем һәм методларым белән уртаклашырга, шулай ук үзем өчен авыл җирлегендә эш тәҗрибәсен алырга теләр идем. Минем максатым – укучылар тарафыннан югары күрсәткечләргә һәм нәтиҗәләренә ирешү, аларның иҗади сәләтләрен үстерү», – дип сөйләде рус теле һәм әдәбияты укытучысы Регина Николаевна Александрова.