Зур Тигәнәледә милли мәгарифкә багышланган педагогик укулар узды

Очрашу Абдулла Баттал исемендәге Зур Тигәнәле төп гомуми белем бирү мәктәбе каршындагы Татар теле үсеше үзәгендә үтте һәм мәктәп директорларын, педагогларны, методистларны һәм җәмәгатьчелек вәкилләрен бер-ләштерде.

Катнашучылар игътибары үзәгендә — милли мәгариф та-рихы, шулай ук туган телләрне саклау һәм үстерүнең заманча алымнары булды. Педагоглар үзгәреп торучы дөнья шартларында тәрбиянең мәдәни нигезен ничек сакларга һәм аны үсеп килүче буынга ничек тапшырыр-га кирәклеге турында фикер алышты.

Чара кунаклары «Акыллы уеннар» дип аталган дидактик материалларның интерактив күргәзмәсе һәм Алексеевск райо-нында милли мәгариф тарихына багышланган экспозиция белән танышты. Мәктәп проектларына һәм музей эшчәнлегенә аерым игътибар бирелде — алар вакытлар бәй-ләнешен сакларга ярдәм итә. Тәкъдим ителгән эшләр ара-сында белем бирү учреждениеләре тарихына багышланган тикшеренүләр, милли тәрбиягә юнәлтелгән дәрестән тыш эшчән-лек мисаллары, шулай ук мәктәп музейлары экспозицияләре бар иде.

Татар мәгарифе тарихы музеена экскурсия дә зур кызыксыну уятты. Татар теле үсеше үзәге директоры Айсылу Сәйфетдинова туган якны өйрәнү эшенең милли үзбилгеләнүне формалаштыруда һәм туган телне саклауда мөһим ролен билгеләп үтте. Мәктәп укучылары Абдулла Баттал гаиләсе тарихына багышланган презентация тәкъдим итеп, туган якны өйрәнүгә шәхси кызыксынуларын күрсәтте.

Пленар өлеш чыгышлар форматында узды. Педагоглар эш тәҗрибәләре белән уртаклашты, тикшеренү материаллары тәкъдим итте, мәктәпнең тради-цияләрне саклаучы һәм тәрбия эшенең үзәге буларак роле ту-рында сөйләде. Буыннар дәвамчанлыгына һәм туган тел белән мәдәнияткә кызыксыну формалаштыруда дәрестән тыш эшчән-лекнең әһәмиятенә аерым игътибар бирелде.

Милли мәгариф үсе-шенә карата профессиональ фикерләрен хөрмәтле кунаклар — «Мәгариф» һәм «Гаилә һәм мәктәп» журналларының баш мөхәррире Гөлүсә Закирова, шулай ук филология фәннәре кандидаты, «Мәгариф» журналы баш мөхәр-рире урынбасары, «Компетенцияләр мәктәбе» автоном коммерцияле булмаган оешмасы директоры Лилия Хисмәтова да җиткерде. Алар заманча белем бирү инициативалары һәм туган телне популяр-лаштыруның нәтиҗәле тәҗрибәләре турында сөйләде.

Очрашуның якты йомгагы булып иҗади программа торды. Сәхнәдән «Шуçăм» ансамбле башкаруында чуаш көйләре яңгырады, ә яшь артистлар Габдулла Тукай тормышына багышланган театральләштерелгән күренеш тәкъдим итте. Педагоглар мастер-классларда да кат-нашып, туган телләрне укыту буенча практик тәҗрибә уртаклашты.

Педагогик укулар тагын бер кат: мәктәп — белем бирү учреждениесе генә түгел, ә мәдәни тормышның иң мөһим үзәкләренең берсе булуын раслады. Нәкъ менә монда традицияләргә хөрмәт формалаша, буыннар бәйләнеше ныгытыла һәм киләчәк нигезе са-лына — анда туган тел һәм милли мәдәният лаеклы урын били.