Алексеевск районы волонтерлары коронавирус белән көрәшкә үз өлешләрен кертәләр

Менә ике ел инде бөтен дөнья коронавирус пандемиясе шартларында яши.

Covid-19 һәм аның мутацияләре миллиардлаган кешеләрнең тормышына җитди төзәтмәләр кертте. Бу вирус районыбызны да читләтеп узмады. Шуңа күрә газетабызда «Пандемия феноменнары» дигән яңа рубрика очраклы гына барлыкка килмәде, анда без алексеевскилыларның үлемгә китерергә сәләтле вирус белән көрәшкә үз өлешләрен кертүләре турында сөйлибез.

Бүген без коронавирусның берсе артыннан берсе баручы «дулкыннарына» оста җайлашкан һәм инде ел ярым дәвамында авыру кешеләргә даруларны өйләре илтеп бирүче гүзәл кызга аерым мәкаләне багышларга булдык. Ул - «Импульс» яшүсмерләр клубы белгече Татьяна Фадеева.

Әлеге “эш” белән ул 2020 елның августыннан районыбызда беренче дулкын пәйда булгач шөгыльләнә башлый. Шул вакыттан бирле ул ялгыз, өлкән яшьтәге һәм үзизоляциядә булган кешеләргә дарулар илтеп бирү белән шөгыльләнә. Аның белән бергә тагын өч доброволец, районыбызның яшьләр сәясәте белән шөгыльләнүче оешмалар хезмәткәрләре, өлкәннәргә ярдәм итә.

«Беренче вакытта, әлбәттә, ковид белән зарарлану куркынычы булды, хәзер дә вирусны эләктереп алу куркынычы бар. Әмма мине башка нәрсә борчый – бу кешеләрнең ихтирамсыз мөнәсәбәте. Рәхмәт йөзеннән шоколад, кәнфит белән сыйлаучы, рәхмәт әйтүче, без авырып китмәсен өчен безгә сәламәтлек теләүче кешеләр бар. Ә рәхмәт әйтү урынына ачуланучылар, әшәке сүзләр әйтүчеләр дә бар: «Сез миңа нинди дарулар алып килдегез? Бик озак алып килдегез». Моннан үпкәләү хисе дә барлыкка килә, чөнки кешеләр озак көтмәсен, зарланмасын өчен, без даруларны мөмкин кадәр тизрәк илтеп бирергә тырышабыз. Аннары гына без төп эшебезне башкарабыз. Ә кайчагында без соңга да калабыз. Әйтик, узган атнада адреслар бик күп иде, һәм безгә иртәнге сигездән кичке сигезгә кадәр бары тик дарулар гына илтеп бирергә туры килде. 80гә якын адрес иде...» - ди Татьяна.

Шулай ук ул хәзер даруларны илтеп бирү контактсыз юл белән башкарылуы турында да сөйләде. Волонтерларга 43нче даруханәдән шалтыраталар, алар бирегә киләләр һәм реестрга кул куялар, дарулар һәм өлкән кешеләрнең телефон номерларын, адресларларын алалар. Авыруларга шалтыратып, алар хәзер өйдәме юкмы икәнен белешәләр һәм адрес буенча китәләр. Дарулар белән пакетны ишек тоткасына элеп калдыргач, алар кабат авыруга шалтырата һәм «посылканы» алырга була, диләр. Әмма кайчагында авыруларның адреслары яки телефон номерлары дөрес булмый, һәм аларны табып, даруларны вакытында илтеп бирү өчен күп көч һәм вакыт сарыф итәргә туры килә. Моннан тыш, волонтерлар авыл халкына даруларны илтеп бирүче авыл җирлекләре башлыкларына рәхмәт сүзләрен җиткерәләр. Татьяна Фадеева һәм башка доброволецлар авыруларга өйләренә килеп ярдәм күрсәтәләр, шулай итеп авырулар үз вакытларын һәм көчләрен сарыф итмиләр. Шул рәвешле алар пандемия белән көрәшкә үз өлешләрен кертәләр.

«Алексеевскилыларга нык сәламәтлек телисем килә, үзегезне һәм якыннарыгызны саклагыз. Авырмагыз!» - дип мөрәҗәгать итә район халкына Татьяна.