Анна Степановнаның бер көне

Бу буын калган буыннарның алар алдында тезләнүләренә лаек. Хәтта аның кайбер вәкилләре бөтендөнья тарихи судында хөкем ителергә тиеш булса да. Ләкин Аллаһ Тәгаләгә яхшырак күренә.

Районыбыз һәм илебезнең бөтен карт-карчыклары төрле, бик төрле бүләкләр алдылар. Картлар да төрле. Кайберләрен картлар дип атарга да тел әйләнми. Менә Анна Степановна Баранова, аңа 90 яшь туларга бер ай калган. Бик олы күренә. Колаклары да яхшылап ишетми инде. Күзләрем дә начар күрә, ди ул. Аякларын да көчкә генә сөйрәп йөри. Ә елмаеп, көлеп җибәргәч, күзләре нурланып, йөзе үзгәреп китте, әйтерсең лә, берничә дистә елны алып ташладылар.
Бөек Ватан сугышы ветеранының тол хатыны Петр Яковлевич яу кырыннан исән-сау әйләнеп кайта. Масловкада хатыны белән 50 елга якын гомер кичерәләр. Дүрт балаларын аякка бастыралар. Соңгы елларда Анна Степановна кызы Нина белән Новоспасскида яши, чөнки авылларындагы өйләре искергән һәм яшәү өчен яраксыз хәлгә килгән. Казахстаннан кайткан Нина әнисен карый башлый. Һәм менә "Торак-ветераннарга" дигән Россия программасы. Район комиссиясе Баранованы, тол ветеран хатыны буларак, торак алу исемлегенә кертә. МСО төзүчеләре ире белән яшәгән иске, җимерек өйләре урынына кирпечтән яңа өй төзеп бирә, һәм төзү оешмасы җитәкчесе Марат Вәлиев аңа ачкычлар тапшырды.Туганнары, авылдашлары һәм без дә аның өчен сөендек. Без дигәнем, район Советы рәисе урынбасары Г.Белова, ветеран оешмалары советы рәисе Шамил Мөлеков, башкарма комитет җитәкчесе урынбасары Н. Чурин һәм бу юллар авторы.
Бәйрәм өстәле янында Анна Степановна, хисләнеп китеп, нинди авырлыклар күрергә туры килүе турында сөйләде. Аның дулкынлануы безгә дә күчте. Аннары хуҗабикә, табын әзерләү сәбәбе турында искә төшереп, чукынып алды да, кунакларга өстәлдәге ризыклар белән сыйланырга тәкъдим итте. Ә өстәл авылча мул иде. Шаян сүзләр сөйли башлагач, Анна Степановна елмаеп җибәрде...
Чәй эчкәннән соң район җитәкчелеге вәкилләре авыл мәдәният йортына керделәр, җыелучыларны Өлкәннәр көне белән котладылар, ветераннар хәрәкәтендә актив катнашучы Шибкова Вера Павловнага туган көне уңаеннан бүләк бирделәр һәм һәркем үзенең якыннарын, игътибарга аеруча мохтаҗ кешеләрне котларга китте.