Индексациядән соң Татарстан пенсионерлары күпме алачак

Киләсе елда Татарстанда пенсияләргә индексация үткәреләчәк. Республика пенсионерлары өчен түләүләрнең күпмегә артуы турында «Татар-информ»материалыннан белергә була. 

Индексация күләме: +6,8% Кайчан: 2026 елның 1 апреленнән.

Социаль пенсиянең минималь күләме артканнан соң 9424,1 сум тәшкил итәчәк.

Пенсияләрне кемгә арттырачаклар? Индексация социаль пенсиянең барлык төрләрен алучыларга кагылачак:

Картлык буенча (стажы яки иминият пенсиясе өчен баллары җитәрлек булмаганнар өчен). Инвалидлык буенча. Туендыручысын югалту уңаеннан. Ятим балаларга. Шунысы мөһим: яңадан исәпләүне автомат рәвештә башкарачаклар. Пенсионерларга Россия Пенсия фондына гаризалар яки өстәмә документлар белән мөрәҗәгать итәргә кирәкми.

Яшәү минимумы белән нәрсә? Әгәр пенсионерның социаль пенсиядән генә торган гомуми кереме төбәк яшәү минимумыннан түбән булса, аңа федераль яки төбәк социаль өстәмә түләү билгеләнәчәк. 2026 елда Татарстанда пенсионерның яшәү минимумы 16 098 сум тәшкил итәчәк. Димәк, өстәмә түләүне исәпкә алып, башка керем чыганаклары булмаган пенсионер нәкъ менә шушы сумманы алачак.