Татарстанның җыелма командаларына чакырылганнар

Берьюлы ике спорт төре вәкилләре республиканың җыелма командалары арасына керде. Узган атнада узган Бөтенроссия ярышлары нәтиҗәләре буенча чаңгычылар, баскетболчылар бер адым алга киттеләр һәм төп командалар нигезендә урын алу өчен көрәшү хокукын алдылар.

Анастасия Якимо-ваның “көмеш” медале.

Казан шәһәрендә узган чаңгы роллерлары буенча ТР ачык беренчелегендә Анастасия Якимова (тренеры Владимир Никешин) икенче урын алды. Ярышлар 16-18 сентябрьдә узды. Шулай ук беренчелектә районыбызның башка чаңгычылары да катнашты. Варвара Матрина 2 км дистанциядә 80 катнашучы арасында 15 урынны алды. Финишка 120 спортчы арасыннан 16нчы булып килгән Данил Карпов дистанцияне яхшы узды. Беренчелек нәтиҗәләре буенча, көмеш медаль яулаган Анастасия Якимова 20-30 сентябрьдә Яшел Үзәндә узачак иң яхшы чаңгычыларның тренировка җыеннарына чакырылды.

Алексеевскиның дүрт баскетболчысы Татарстан җыелма командасы составына керде.

15-18 сентябрьдә Казанда 2009 елда туган яшүсмерләр арасында баскетбол буенча Бөтенроссия турниры узды. Турнирга Санкт-Петербург, Мәскәү, Ка-зан, Тула, Дзержинск, Мәскәү һәм Ярославль өлкәләреннән, Әлмәт һәм Прямицыннан яшь баскетболчылар килде. Турнирда Татарстан җыелма командасы катнашты, аның составына керү өчен карауларга Даниил Балялин, Алексей Титов, Герман Кузьмичев һәм Тимур Нургаязов чакырылды. «Турнир нәтиҗәләре буенча малайлар үзләрен яхшы яктан күрсәттеләр һәм ТР җыелма командасының киңәйтелгән өлешенә кертелде, ә аларның командасы 2 урын яулады», - дип хәбәр итте тренер Дмитрий                    Аличев.