Су сыйфаты яхшыртуны сорый

Роспотребнадзорның территориаль бүлеге начальнигы урынбасары Рөстәм Хөснетдинов хәбәр иткәнчә, барлык 5 проба да (4есе - район үзәгендә, 1се - Шәмәдә) суүткәргеч челтәрләрнең тузуы сәбәпле, таләпләргә туры килмәгән. Тикшерүләр нәтиҗәләре турында водоканал җитәкчелегенә хәбәр ителгән, халык шикаятьләрен исәпкә алып, административ тикшерү алып барыла.
Тикшерелгән азык-төлек (санитар-химик, микробиологик һәм паразитологик күрсәткечләргә 54 проба) район үзәгендәге балалар учреждениеләренең берсендә генә калориялелек һәм составында йод булган тоз күләме буенча нормаларга туры килмәгән ризыкны санамаганда, барлык азык-төлек продуктлары да диярлек санитария кагыйдәләренә һәм нормаларына туры килгән.
Инструменталь тикшерүләр барышында шулай ук бозулар ачыкланган: район предприятиеләре һәм оешмаларындагы 145 эш урынының 17се җитәрлек дәрәҗәдә яктыртылмаган, 4есе исә - микроклимат параметрлары буенча стандарт түгел.