ЗАГС статистикасы

ЗАГС бүлеге мәгълүматы буенча, унөч гаиләдә беренчеләр туган, ундүртендә икенче бала дөньяга килгән, икесендә - өченче, тагын икесендә дүртенче һәм аннан да күбрәк нарасый дөньяга аваз салган. Әти-әниләре кызларына Алена, Анастасия, Дарья, Замирә, Заринә, Кира, Лиана, Милана, Рамина, Ясмин; игезәк кызларга - Анастасия һәм Мария; ә малайларга исә Александр, Алексей, Антон, Арыслан, Артем, Герман, Егор, Илья, Ильяс, Радмир, Родион, Самат, Святослав, Сергей, Ярослав исемнәрен биргәннәр.

Март аенда районда 9 яңа гаилә барлыкка килгән, моннан тыш, никахны өзү турында 4 акт төзелгән. Шул ук чорда 43 кеше якты дөньядан киткән: 24 ир-ат һәм 19 хатын-кыз , шуларның 10ысы (шуңа карата 9 һәм 1) - хезмәткә сәләтле яшьтә.