Бәяләп бетерми торган, әмма бик тә кирәкле хезмәт

Коммуналь хуҗалык һәм юл хезмәтләре хезмәткәрләре булмаса, районда яшәүчеләр чын транспорт коллапсы белән очрашыр иде.
Сергей Базеев инде икенче сезон Алексеевск территориясеннән кар чистарту белән мәшгуль. Ул эшебез катлаулы, ләкин бик кирәкле дип әйтә.
«Кар яуган вакытта без иртәнге 4тән эшли башлыйбыз. Иртә белән бөтен кеше дә эшкә барганда юл инде чистартылган булсын өчен бистә урамнарын кардан чистартабыз. Ә һава торышы яхшыргач, шунда ук юлларны киңәйтә башлыйбыз», - дип уртаклашты коммуналь хуҗалык хезмәткәре.
Сергей Базеев хәзер яңа «Амкадор» төягечендә эшли, аны Рөстәм Миңнеханов күптән түгел Алексеевск районына тапшырды. Яңа техника белән эш тизрәк бара, аның белән идарә итүе дә җиңелрәк һәм ул карны зур күләмдә чистарта. Ир-ат аның эше бик мөһим һәм кирәкле булуын әйтә, әмма бөтен кешеләр дә моны аңламавына бераз борчыла.
«Еш кына безнең адресыбызга шелтәләр ишетәм. Кемдер без бер җирне дә чистартмыйбыз дип әйтә, кемдер моны иртә белән эшләвебезгә зарлана, янәсе моны төнлә, бөтен кеше дә йоклаган вакытта эшләргә кирәк иде дип әйтә, кайберләре юлны чистартып аларның йортлары яныннан үтеп киткәндә аларның территориясенә карны төртеп керткәнгә ачулана. Шулай ук, алдан эшли башларга кирәк иде, кар явасын алдан ук әйткән иделәр бит диләр. Без кемгәдер уңайсызлыклар тудырганыбызны аңлыйм, әмма урамнарны башкача чистартып булмый. Кар яуганчы, аны бит чистартып булмый һәм төнлә дә без ничек эшләргә тиеш, тагын тавыш чыгарабыз дип зарланачаклар. Ә безнең эшебезне бәяләве авыр, чөнки кар явып торганда ярты сәгатьтән соң ук эшебезнең нәтиҗәсе инде күренми», - дип зарлана Сергей.
Шулай да, коммуналь хуҗалык хезмәткәрләре кешеләргә үпкәләми, үз эшләрен намус белән башкаруны, бистә урамнарын чистарак һәм куркынычсызрак итүне дәвам итәләр.