Мәскәүдә «Бердәм Россия» партиясенең XXIII съезды уза

Чара ил Президенты Владимир Путин катнашында ачылды, шулай ук Югары Шура Бюросы һәм Партия Генсоветы Президиумының уртак утырышы узды. Төп мәсьәлә – Дәүләт Думасына сайлауларга кандидатларны раслау. Кандидатуралар буенча тәкъдимнәрне алдан тавыш бирү барышында 10 миллионнан артык сайлаучы белдергән иде.

Съездның беренче этабында озак сроклы үсеш стратегиясе булган Манифест өстендә һәм партиянең сайлауларга барачак Халык программасы өстендә эш дәвам итә. Соңгы документның финал версиясе августка планлаштырылган съездның икенче этабында кабул ителәчәк.

Татарстан Республикасын съезда зур делегация – 50гә якын катнашучы тәкъдим итә. Аның составында – Төбәк бүлеге сәркатибе Фәрит Мөхәммәтшин, Дәүләт Советы депутатлары һәм республиканың барлык почмакларыннан партия активы бар. Алар арасында – Россия Герое Александр Лапин, Татарстанның региональ хезмәттәшлекне үстерү фонды җитәкчесе Геннадий Глушков, төбәк башкарма комитеты җитәкчесе Марат Самигуллин, «Хатын-кызлар хәрәкәте» партпроекты координаторы Алсу Нәбиева, Төбәк бүлеге сәркатибе урынбасары Ольга Воронова, Генсовет әгъзалары Ленар Хантимиров һәм Марсель Шарапов, «Яшь Гвардия» төбәк бүлеге лидеры Руслан Шиһабуддинов. Шулай ук делегация составына Зеленодольск, Тукай, Алабуга, Яңа Чишмә, Теләче һәм Мөслим районнарыннан җирле бүлекләр башлыклары кергән.

Аерым игътибарга башлангыч бүлекчәләрнең бөтенроссия конкурсында җиңүчеләр – сәркатипләр Хәйсәр Гыйләзиев (3 нче урын) һәм Алексей Желудков, шулай ук башлангыч бүлекчәләрнең федераль советы әгъзасы Ирина Мөхәммәтгареева катнашуы лаек. Ул төрле төбәкләрдән хезмәттәшләр белән очрашу – бөтен партия структурасын көчәйтә торган кыйммәтле тәҗрибә уртаклашу, дип ассызыклады.

Ирина Мөхәммәтгареева сүзләренчә, нәкъ менә башлангыч бүлекчәләр партиянең «тере» эшенең нигезе булып тора. Алар кешеләр белән көндәлек бәйләнешне, кире элемтәне җыюны, халыкка адреслы ярдәмне тәэмин итә һәм инициативалар өчен мәйданчык була, алар аннары муниципаль һәм республика дәрәҗәсенә күтәрелә.

Татарстанда бу система 2011 башлангыч оешманы колачлый, алар 130 меңнән артык партия әгъзасын һәм 21 мең яклысын берләштерә. Башлангыч бүлекчәләр сәркатипләренә аерым игътибар бирелә, алар бүген оештыручылар гына түгел, ә җәмәгать проектларын координацияләүчеләр, гражданнарга ярдәмчеләр, җирле бүлекчәләр белән җитәкче структуралар арасындагы бәйләүче звено булып торалар.