Заря
  • Рус Тат
  • АПКның язгы мәшәкатьләре Игенчелек серләре

    19 мартта Юеш Көрнәле авылы мәдәният йортында игенчелек буенча ТР авыл хуҗалыгы һәм азык-төлек министры урынбасары Илдус Габдрахманов рәислегендә зона семинарының теоретик өлеше булып узды. Шуннан соң катнашучылар, ә алар Кама аръягының тугыз районы вәкилләре, "Родина" колхозының практик өлеш узган ашлык ындыр табагына күчтеләр.

    Семинар эшендә ТР Авыл хуҗалыгы һәм азык-төлек министрлыгы белгечләре, Кама аръягы зонасының авыл хуҗалыгы һәм азык-төлек идарәләре начальниклары, ТР буенча "Россельхозцентр"ның федераль дәүләт бюджет учреждениесе һәм фәнни агрохимик хезмәтләр белгечләре, авыл хуҗалыгы берләшмәләренең агрономнары һәм җитәкчеләре катнашты.

    Чыгышларда язгы кыр эшләре проблемалары, 2015 елның язында көзге культураларны карау үзенчәлекләре һәм башка көнүзәк мәсьәләләр турында мәгълүмат игълан ителде.

    Илдус Харис улы үзенең чыгышында, бүгенге көннең төп проблемасы - әйләнештә акча булмау, банкларга үтеп керүнең чикләнгәнлеге, дип билгеләп үтте. Шул ук вакытта ашламалар, орлыклар һәм үсемлекләрне саклау чаралары шактый кыйммәтләнде. Чыгымнарны минимумга калдыру һәм язгы кыр эшләренең нәтиҗәлелеген күтәрү өчен семинарның рецептларыннан файдаланырга тәкъдим итте. Аерым игътибар агрономик хезмәтләргә бирелде, чөнки бу секторда кечкенә генә хаталар да зур югалтуларга китерә. Төп хаталарны анализлау, агрохимик хезмәтләргә фәнни эшләнмәләрне тәкъдим итү, чәчү вакытында чыгымнарны оптимальләштерү, орлыкларның сортларын сайлап алу принциплары, бу елның язгы чорында көзге культураларны карау үзенчәлекләре - чыгыш ясаучылар шушы һәм башка мәсьәләләрне детальләштерделәр.

    Семинарның практик өлешендә инде республика "Россельхозцентр"ы белгечләре үсеш стимуляторларын куллану, каты суның агулау сыйфатына йогынтысы, авыл хуҗалыгы культуралары орлыкларын агулаганда җибәрелә торган төп хаталар һәм башка нәрсәләр турында җентекләп сөйләделәр.

    Орлыкларны чәчүгә әзерләү чараларына "Татарстанның элита орлыклары" ассоциациясе белгечләре җентекләп тукталды.

    Аграрийларга шулай ук төрле формадагы биологик препаратларны дөрес сайлап алу һәм чәчү алдыннан эшкәртү белән җентекләп танышырга тәкъдим ителде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: