Чәчү комплексында үзгәрешләр: хуҗалык техниканы яңартып, вакытны өч тапкырга кыскарткан

Әлеге ярдәм чарасы аграрийларга техника паркын яңартырга һәм җитештерү нәти-җәлелеген арттырырга мөмкинлек бирә.

Программада кат-нашучыларның берсе — шәхси эшмәкәр И.М.Әхмәтов.  Аның хуҗалыгында ике ACROS ашлык җыю комбайны, дүрт тоннага кадәр йөк күтәрә ала торган телескопик төягеч, шулай ук хуҗалык ихтыяҗлары өчен металл сыйды-рышлык сатып алынган. Техниканы яңарту инде төп җитештерү процессларын оп-тимальләштерергә мөмкинлек биргән.

Сатып алу җиде еллык лизинг нигезендә башкарылган. Бер комбайнның бәясе, комплектын исәпкә алып, якынча 20 миллион сум тәшкил итә. Росагролизинг про-граммалары буенча процент ставкасының еллык якынча 2,8 процентка кадәр киме-телүе хуҗалыкка финанс йөкләнешне сизелерлек киметергә ярдәм иткән — моңа кадәр ставкалар 5–6 процентка кадәр җиткән.

Шуның белән бер-рәттән хуҗалыкта чәчү комплексы да модернизацияләнә. Гомуми эш киңлеге 16 метрдан артык булган ике чәчкеч куллану планлаштырыла, бу чәчү эшләрен оптималь агротехник срокларда башкарырга һәм орлык чәчүнең төгәлле-ген тәэмин итәргә мөмкинлек бирәчәк.

Техниканы яңарту инде практик нәтиҗә дә биргән: телескопик төягеч куллану авыл хуҗалыгы продукциясен төяү вакытын ике сәгатьтән якынча 30 минутка кадәр кыскарткан, бу гомуми җитештерүчәнлеккә уңай йогынты ясаган.

Әлеге ярдәм чарасы «Азык-төлек куркынычсызлыгын технологик тәэмин итү» милли проекты кысаларында гамәлгә ашырыла. Ул аграрийларга заманча техно-логияләрне кертү һәм авыл хуҗалыгы җитештерүенең тотрыклылыгын арттыру мөмкинлеге бирә.

— Техниканы яңарту безнең өчен җиһазларны алыштыру гына түгел, ә хуҗалыкны үстерү дә. Дәүләт ярдәме белән финанс йөкләнешне киметергә һәм модернизацияне тизләтергә мөмкин булды. Яңа техника инде нәтиҗә бирә — вакытны янга калдырабыз, эш сыйфатын арттырабыз һәм тотрыклы уңышка өметләнәбез, — дип билгеләп үтте Әхмәтов.