Көннәр түзеп булмаслык эссе. Авылларда халык печән әзерләү белән мәшгуль.
"Алга" колхозында да ул тулы хутка бара. Колхозчыларга пай җирләре өчен печән һәм ашлык бирә башладылар. Һәр кеше я ике центнер ашлык, я бер төргәк печән (үзе теләгәнне) ала. Әле тагын колхоз да өстәмә төстә эшләүчеләргә бушлай 2 төргәк печән (бер төргәк 3,5 ц авырлыкта) өләшә. Әгәр колхозда бер гаиләдән ике кеше эшләсә, алар 14 ц ала дигән сүз.
