Заря
  • Рус Тат
  • Марат ӘХМӘТОВ: «Ашлык сыйфаты өстендә агрономик хезмәтләр эшләргә тиеш»

    30 июльдә, Кама аръягы басуларын әйләнеп очканда авыл хуҗалыгы һәм азык-төлек министры Марат Әхмәтов районыбыз авыл хуҗалыгы җирләренә дә килде.

    Министрның вертолетына төшеп утыру өчен "Биләр"ВЗП ЧҖҖ басуларының берсе билгеләнде, анда Марат Готыф улын район башлыгы Владимир Козонков һәм эре авыл хуҗалыгы берләшмәләре җитәкчеләре каршылады.
    Башлык министрга урып-җыю эшләренең ничек баруы турында сөйләде. Июльнең соңгы көненнән алдагысы көне иртәсенә җиде мең тоннадан аз гына күбрәк җыеп суктырылган, 2 мең гектар җыеп алынган иде. Уртача уңышлылык 22 центнер. Владимир Константинович игътибарга алырлык кайбер сәбәпләр аркасында аеры урып-җыючы бөртекле ашлык урып-җыю комплексына артык эш йөкләү мөмкин түгел, дип билгеләп үтте:
    - Эш әйбәт барса, 30 көндә тәмамлый алыр идек. 100 мең тонна тулай ашлык җыйсак, район үзен тәэмин итәчәк, - дип сүзен йомгаклады башлык.
    Шуннан соң сүз Чистай элеваторының ашлык кабул итү шартлары турында барды, анда продуктның сыйфатына таләпләр бик нык күтәрелгән.
    - Агрономик хезмәтләр бу эшкә керешергә тиешләр, чөнки элеватор җитәкчелеге, хуҗалыклар сүзен тыңлап, ашлыкны югарырак сыйфат белән кабул иттек, дип дәлилләп, аннары кулланучыга бернәрсә дә исбатлый алмаячак. Алар куркынычны минимумга кайтарып калдыралар, - дип җавап бирде Марат Готыф улы.
    Аеры урып-җыюга килгәндә, монда инде министр тагылма чапкычлардан файдаланырга киңәш итте.
    Аннары Марат Готыф улы җитәкчеләргә, әгәр кирәк булса, товарлык ашлыкны сатып алучыларны эзләп табарга вәгъдә итте.
    Сөйләшү тәмамланганда министр җитәкчеләрнең сорауларына җавап бирде. Шуларның берсе яшь белгечләрне торак белән тәэмин итү мәсьәләсе булды.
    - Бу мәсьәләдә без мөмкин булганның барысын да эшлибез һәм эшләячәкбез. Ләкин эш бирүче дә бу процесска матди яктан кушылырга, шулай ук белгечләрне әйбәт хезмәт хакы белән тәэмин итәргә тиеш, - дип төгәлләде эшлекле сөйләшүне министр. Ә аннары "Родина" колхозы җитәкчесе Илгизәр Әхмәтовны туган көне белән котлады.

    Нравится
    Поделиться:
    Реклама
    Комментарии (0)
    Осталось символов: