Мини-фермалар: авылда эшли торган ярдәм

Әлеге ярдәм чарасы авыл халкына хуҗалыкларын ныгытырга, терлек санын арттырырга һәм то-трыклы керем алырга мөмкинлек бирә.

20 апрельдән яңа гаризалар кабул итү башланды. Быел әлеге программада районнан ун гаилә кат-нашырга ниятли.

Шулай ук 20 ап-рельдән 4 майга ка-дәр шәхси ярдәмче хуҗалыклар буенча түбәндәге юнә-лешләрдә сайлап алу үткәрелә:

– бер яшьтән өлкән сыерлар, кәҗәләр һәм ана сарыклар асрау

– өч яшьтән өлкән бияләр асрау

Бүген инде уңышлы мисаллар да бар. Кыр Шунталысы авылында Шиһаповлар гаиләсе үз хуҗалыкларын уңышлы үстерә. Булат Гомәр улының хәзер җиде сыеры бар, үсеп килүче бозаулары да җитәрлек. Про-грамма ярдәмендә мини-ферма төзү эшне киңәйтү һәм терлекләр өчен уңай шартлар тудыру мөмкинлеген биргән.

Шул ук авылда Вәлиуллиннар гаиләсе дә ныклы хуҗалык алып бара. Аларның мини-фермасында унбиш баш мөгезле эре терлек асрала. Гаилә төзелеш чыгымнарын өлешчә каплау программа-сыннан файдаланып, акча ягын шактый җиңеләйткән.

Үсеш районның башка торак пунктларында да күзәтелә. Мәсәлән, Александр Васякин 2022 елдан бирле тугыз баш тер-лек асраган хуҗалык алып бара. Лебедино авылында яшәүче Александра Муратова сигез баш терлек тота һәм үз хуҗалыгын ышанычлы үстерә.

— Безнең өчен бу гади ярдәм генә түгел — үсеш өчен чын мөмкинлек. Авылда мондый ярдәмсез бик авыр, ә монда үзеңне ялгыз түгеллегеңне тоясың. Бу — җирдә эшләүче һәр гаилә өчен зур һәм мөһим ярдәм, — дип уртаклаша Александра Муратова.

Бүген Алексеевск районында барлыгы 97 мини-ферма эшли. Бу программага ихтыяҗ зур булуын һәм аның чыннан да нәтиҗәле эшләвен күрсәтә.

Катнашу шартлары авыл халкы өчен аңлаешлы һәм мөмкин. Иң мөһиме — шәхси ярдәмче хуҗалык алып бару өчен җир участогы булу, Россия гражданины булу һәм мини-ферманың инде төзелгән яки кимендә яртылаш әзер булуы. Шулай ук сыерлар саны булу таләп ителә: ферма күләменә карап кимендә ике яки өч баш. Терлек-ләр турындагы мәгълүматлар хуҗалык китабына кертелгән булырга тиеш.