Терлек азыгы әзерләү дәвам итә

Азык әзерләү районыбызның барлык эре хуҗалыкларында: «Кызыл Шәрыкъ» бүлекчәләрендә, «Алексеевск» халык предприятиесендә, «Алга» һәм «Родина» колхозларында һ.б.ларда бара. Хәзер чабылган күпьеллык үләннәрнең күп өлеше сенажга бара. Аграрийлар икенче чабымнан җитәрлек күләмдә печән әзерләргә планлаштыралар, ул әлегә нибары 128 тонна гына әзерләнгән. Азык әзерләү эшләренең барышын бәяләү өчен без «Төньяк Алексеевск» ВЗПда булдык, анда Сахаровкадан ерак түгел кырда ике азык әзерләү комбайны һәм берничә йөк машинасы эшли. «Әлегә һава торышы яхшы, тизрәк җыеп алырга тырышабыз. Чабылган үләннәрнең дымлылыгы нәкъ менә сенаж өчен туры килә. Әлегә аны әзерлибез генә», - ди комбайнчы Сергей Машуков (фотода уң якта).