Заря
  • Рус Тат
  • Ул үзенең җирен ярата

    Гадәти булмаган һәм бераз көлкеле дә исемле "Юеш Көрнәле" авылында яшәүче кеше турында күргәннәрем белән уртаклашасым килә. Миңа анда берничә тапкыр булырга туры килде, тик мин шулай да аның ник юеш дип аталуын аңламадым. Сүз әлеге җирлекнең атамасы турында түгел, ә аның кешесе турында. Аның исеме Илшат Нургали улы Гомәров....

    Гадәти булмаган һәм бераз көлкеле дә исемле "Юеш Көрнәле" авылында яшәүче кеше турында күргәннәрем белән уртаклашасым килә.

    Миңа анда берничә тапкыр булырга туры килде, тик мин шулай да аның ник юеш дип аталуын аңламадым. Сүз әлеге җирлекнең атамасы турында түгел, ә аның кешесе турында. Аның исеме Илшат Нургали улы Гомәров. Әлеге кешенең тарихы үзенчәлекле, аның тормышы үз бизнесларын һәм бәхетләрен шәһәрдән табарга теләүче башкаларныкына охшамаган.
    Илшатның яшәү урыны турында сорау буенча үз җавабы. Кайчандыр алар да хатыны белән үз бәхетләрен шәһәрдә табарга теләгәннәр, тик тиздән аңлаганнар, шәһәрдә ирек юк, анда әсирлектә торган кебек торалар. Ә чын ирек-бу авыл, елга, кыр, урман. Дөрес авылда да кыенлыклар бар, тик анда безгә һәм балаларыбызга янаучы күп кенә кимчелекләрдән котылып була. Авыл җирлекләренә урнашучыларның барысына да мул уңышлар вәгъдә ителгән: җирдә шундый бәхет яшерелгән, кем аның хәзинәләрен тырышып эшкәртә һәм җыя, ул аны таба. Тик күп кенә фермерлар үз җирләреннән яхшы уңыш җыеп ала алмыйлар, чөнки, минем уйлавымча, хезмәтләренә җитди карамыйлар. Ә Илшат Нургали улы эшкә башкача карый. Ул үзенең яшь үсентеләренә кире күчереп утыртканда, су сипкәндә, чүп үләннәрен утаганда, зарарлы бөҗәкләр һәм үсемлекләр авырулары белән көрәшкәндә аның игътибарлы булуын әйтеп бетереп булмый. Ә бу исә аның шөгылен, җирдә эшләргә яратуын сөйли. Шуңа күрә дә нинди ел булуга карамастан, безнең күршебез Илшат Гомәровның һәрвакыт кырлары мул уңышлы, сату өчен генә түгел, башкалар белән бүлешү өчен дә уңышы җитә.
    Игелекле һәм зирәк хуҗа кырда уңыш югалтуны булдырмас, ул бик уйлап эш итүчән. Ул кемгә арзанракка, кемгә бөтенләй дә бушлай бирергә икәнлекне белә. Мондый кеше беркайчан да бүләкләрсез калмас. Аллаһы Тәгалә бу кешегә игелеген үзенә йөзе белән кайтарып бирә.
    Тормыш юлларында без кешеләрнең төрлесен очратабыз. Бу дөньяда нинди вазыйфа: директормы, президентмы, эшмәкәр яки гади эшчеме булып торуына карамастан, һәр кешенең үз юлы.
    Минем рәхмәт сүзләрем Гомәровларның гаиләсенә, шулай ук аның хатыны Венерага да барып ирешсен, ул да ире белән авыр крестьян хезмәтен бүлешә, шәфкатьлелек үрнәкләре күрсәтә. Аларга мәхәббәт һәм мәрхәмәт орлыклары чәчүләрен дәвам итүләрен телим, кайчан да булса ул орлыклар игелекле үсентеләр бирер, шул чакта бай уңыш та җыеп алыныр.
    В. ЛЬВОВА, Левашево авылы

    Нравится
    Поделиться:
    Реклама
    Комментарии (0)
    Осталось символов: