Урып-җыю старт алды

Видеокиңәшмәдән соң район башлыгы Владимир Козонков һәм авыл хуҗалыгы предприятиеләре җитәкчеләре "Элита" хуҗалыгы кырларына юл тотты, анда беренче ашлык суктырылган иде.Арпа кырына беренче көнне ике комбайн чыкты.

Хуҗалык җитәкчеләре һәм фермерларга мөрәҗәгать итеп, Владимир Константинович көн саен кырларда эшләүче комбайннар санын арттырырга киңәш итте. Киңәшмәдә шулай ук, хуҗалыкларда ашлыкны киптерү, ә алар булмаган очракта элеваторга озату мәсьәләләре дә күтәрелде.

Бүгенге көнгә районда 700 тонна ашлык суктырылган, уңыш бер гектардан 30 центнер тәшкил итә. Суктыруга шулай ук "Алга" колхозы һәм "Востокзернопродукт"ның "Северное Алексеевское" һәм "Биләр" бүлекчәләрендә дә керештеләр. 3 августка кырларда ашлык суктыруда 15 комбайн эшли.