Заря
  • Рус Тат
  • Җиңү көне белән!

    Хөрмәтле Бөек Ватан сугышы ветераннары, тыл хезмәтчәннәре! Кадерле якташлар! Сезне чын күңелдән бөек бәйрәм - Җиңү көне белән котлыйм!

    Җиңү безгә бик зур кыенлыклар аша бирелде. Әлеге сугыш безне көчле милләт итте. Һәр көнне, һәр сәгатьтә, һәр минутта кешеләр карар кабул иттеләр. Сугыш кырларында һәм тылда. Илебез язмышы өчен әлеге үзенә бертөрле җаваплылыкны безнең ветераннар үзләренең бөтен гомерләре аша үткәрделәр. Ветераннар безгә иң мөһим нәрсә - ирек бирделәр. Вакытның көче зур. Тик ул кешелек хәтереннән, безнең сезнең белән хәтердән көчсезрәк. Без беркайчан да фронтларда көрәшкән солдатларыбызны, заводларда ир-атларны алмаштырган хатын-кызларыбызны, яшьләре өчен әйтеп бетергесез сынау булган балаларны онытмаячакбыз. Алар барысы да - сугыш геройлары. Илебезнең сугыш елъязмасында безнең якташларыбызның да өлеше зур. 7000гә якын алексеевскилы 1945 елның язында өйләренә әйләнеп кайта алмады. Ватаныбыз бәйсезлеге һәм ирек өчен гомерен бирүчеләр һәрчак безнең хәтердә. Хәзер безнең районда 56 Бөек Ватан сугышы ветераны яши. Өлкән яшьтә булуыгызга карамастан, күңел күтәренкелеген саклавыгыз өчен рәхмәт сезгә, кайберләрегез хәзер дә ​​яшьләрне хәрби-патриотик тәрбияләүдә, районның җәмәгать тормышында актив катнаша. Бүген мин яшь буынга мөрәҗәгать итәм: халкыбыз тарихының аерып алгысыз өлеше булган Бөек Ватан сугышында Җиңү турында онытмагыз! Укыгыз, алга омтылыгыз, киләчәккә кыю карагыз һәм бабаларыгыз, карт бабаларыгызның игелекле эшләрен дәвам иттерегез.


    Алексеевск муниципаль районы башлыгы Владимир Козонков

    * * *

    Татарстан Республикасы хәрби комиссариатының Алексеевск районы буенча бүлеге начальнигы Дмитрий Дерунов алексеевскилыларны Бөек Җиңү көне белән котлый һәм аларга тыныч күк йөзе, нык сәламәтлек, бәхет тели.

    * * *

    Әфганстан һәм Чечнядагы сугыш хәрәкәтләре ветераннары советы Бөек Ватан сугышы ветераннарына, тыл хезмәтчәннәренә, авыр елларны кичергән бөтен кешегә мөрәҗәгать итеп, аларга якыннарының игелекле булуын, яратуын һәм хөрмәт итүен, әле тагын озак еллар бәхетле гомер кичерүләрен тели.

    Нравится
    Поделиться:
    Реклама
    Комментарии (0)
    Осталось символов: