Иң яңа хәбәрләр
Марат Садыйков белән хушлашу вакыты һәм урыны билгеле
Татарстанның сәламәтлек саклау министры Марат Садыйков 29 гыйнварга каршы төндә 53 яшендә вафат булды. Аны соңгы юлга озату вакыты турында рәсми белешмә чыкты.
Хушлашу мәрасиме 30 гыйнварда Казан дәүләт медицина академиясе бинасында (Казан, Бутлеров урамы, 36 йорт) була. Чара 8.30 сәгатьтә башлана.
Гражданнар панихидасы 10.30 сәгатьтә башлана.
Мәрхүмне Тынычлык бистәсендәге зиратта җирлиләр.
«Татар-информ»га Дәүләт автоинспекциясе хәбәр иткәнчә, бу вакытта Маяковский урамы ягыннан Бутлеров урамыннан Ульянов-Ленин урамына кадәр юлда хәрәкәт чикләнә. Парковка мәрасимгә килүчеләр өчен генә була.
Следите за самым важным и интересным в Telegram-каналеТатмедиа
Нет комментариев