Заря
  • Рус Тат
  • Рөстәм Миңнеханов Алексеевск районына эш визиты белән килде

    Чәчү, вакцинация, юллар

    Муниципалитет башлыгы Сергей Демидов озатуында Татарстан Президенты «Алексеевскдорстрой» предприятиесендәге асфальт-бетон заводының юл-тикшеренү лабораториясе эше белән танышты һәм районның авыл җирлекләре башлыклары белән очрашты.

    Завод лабораториясе

    Юл предприятиесе лабораториясе асфальт-бетон катнашмалары составларын проектлау өчен заманча җиһазлар белән җиһазландырылган. Кунакларга яңа тикшеренүләрдән файдалану һәм гомуми файдаланудагы юлларны төзегәндә һәм реконструкцияләгәндә уникаль технологияләр куллану турында сөйләделәр.

     

    Вакцинация

    Биредә үк, предприятиедә завод хезмәткәрләре өчен вакцинация пункты эше дә оештырылган. Рөстәм Миңнеханов халыкны вакцинацияләүнең мөһим булуын билгеләп үтте: «Җиңел суларга иртәрәк әле. Вирус беркая да китмәде. Вакыйгаларның алга таба ничек баруы бездән тора, безнең аңлап эш итүебезгә бәйле. Эре предприятиедә вакциналаштыру пункты - бу яхшы практика», - дип бәяләде Президент.

     

    Чәчү кампаниясе

    Хуҗалыклар җитәкчеләре, инвесторлар һәм Алексеевск муниципаль районының авыл җирлекләре башлыклары белән очрашуда Татарстан Президенты язгы кыр эшләре барышы, чәчү кампаниясенең тәмамлану сроклары, шулай ук районыбызның социаль-икътисади үсеше белән кызыксынды.

    “Родина” колхозының төзелә торган терлекчелек комплексыннан ерак түгел Рөстәм Нургали улы язгы кыр эшләренең барышы белән танышты. Район башлыгы Сергей Демидов мәйданнарның 63%ында чәчү төгәлләнгәнен хәбәр итте. Шулай ук Сергей Анатольевич Алексеевск районы территориясендә республика һәм федераль программаларның гамәлгә ашырылуы турында сөйләде.

    Татарстан Президенты район товар җитештерүчеләрнең күргәзмәсе белән танышты.

     

    Территорияләрне үстерү

    Республика башлыгына Биләр чишмәсен төзекләндерү концепциясен тәкъдим иттеләр. Әмма бу территорияне үстерү генә районга туристларны җәлеп итүгә мөмкинлек тудырмый. Муниципалитет территориясендә туристик бизнесны үстерүдә халык зур роль уйный. Сергей Плотниковның сырларын районыбызда гына түгел, аннан читтә дә танып беләләр. Айдар Зиннәтуллинның тәвә кошлары фермасын күп кенә татарстанлылар яратып өлгергән инде. Ә нәфис әйберләр туку фабрикасы эшләнмәләре һәр халык бәйрәменең аерылгысыз атрибутына әверелде.

    “Родина” колхозы рәисе Ильяс Әхмәтов җәй ахырында эшләтеп җибәрергә фаразланган яңа терлекчелек комплексы төзелешенең барышы турында сөйләде.

    Рөстәм Миңнехановны ТР Премьер-министры урынбасары – ТР авыл хуҗалыгы һәм азык-төлек министры Марат Җәббаров, ТР транспорт һәм юл хуҗалыгы министры Фәрит Хәнифов озатып йөрде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: