Заря
  • Рус Тат
  • төнге рейдлар

    Соңгы вакытта тәртип сакчылары массакүләм-мәгълүмат чаралары ярдәмендә җәмәгатьчелекнең фикерен теге яки бу хокук бозулар проблемаларына һаман саен ешрак җәлеп итәргә тырышалар, моның белән юллардагы күңелсез вакыйгалар статистикасын ничек тә булса киметергә өметләнәләр.

    Юл-транспорт вакыйгалары корбаннарын искә алу көне кысаларында дәүләт автомобиль инспекциясе хезмәткәрләре белән чираттагы рейсларыбызны Кама аша күпер кичүендә үлчәү контроле пункты янында башлыйбыз. Шимбә көнне кичке 10да бераз салкынчарак иде. Юл хәрәкәтенең кизү тору инспекторлары яныннан сирәк-мирәк автомобильләр узып тора.

    Шимбә көнне юлда гел шулай, - ди Павел Сибирев. - Эш көннәрендә тоташ агым булып баралар, ә ял көннәрендә, бигрәк тә кичләрен, беркем дә юк диярлек. Бистәдә бу вакытта барысы да киресенчә.

    Машиналарның аз булуыннан файдаланып, инспекторлар берничә сәгать элегрәк К-700 тракторын йөртүчене тоткарлаулары турында сөйлиләр.

    - Аны туктаттык, ә ул исерек иде, көчкә-көчкә генә кабинадан сөйрәлеп чыкты, аягында чак кына басып тора. Аңа 60 яшьләр чамасы иде, татуировкалы бармакларын җилпәзә кебек итеп ясап, үз хокукларын даулый башлады, - дип гаҗәпләнә хокук бозучының тәртибенә Илдар Хәсәнов. - Андый кешеләр безгә һәр көнне очрап тора...

    Бераздан соң ДАИ хезмәткәре документларын тикшерү өчен фуруны туктата. Фотоаппаратымны алып, рәсемгә төшерәм. Машина йөртүче шунда ук сагаеп калды:

    - Сез нишләп мине төшерәсез? Нинди гәҗиткә? Нишләп миннән сорап тормадыгыз? Хакыгыз юк!

    Машина йөртүчеләр - кызык халык. Инспекторларны рәсемгә төшереп Интернетка һәркем куя ала, ә менә аларны төшерә башласалар, йөзләрен яшерәләр, - дип аңлатма бирә ерак юлларга йөрүчеләрнең тәртибенә инспектор Рөстәм Хөсәенов. - Җәмәгать шелтәсеннән куркалар әле. Зур-зур штрафлар белән генә аларны куркытып булмый хәзер - барыбер тәртип бозалар.

    Аның сүзләрен раслагандай, мәкалә авторы тикшерү өчен туктатылган машина йөртүчене рәсемгә төшерде. Ул үзенең йөзе газета битләрендә чыгарга мөмкин икәнлеген белеп алгач, бик үтенеп фоторәсемен бастырмауны сорый башлады. Ә бит ул бернәрсә дә эшләмәгән иде, инспектор аның документларын гына тикшерде.

    Рейд шимбә көненә туры килүгә дә карамастан, бер тракторчыдан кала исерек машина йөртүчеләр очрамады. Инспекторларның фикеренчә, мондый тыныч көннәр сирәк була...

    Нравится
    Поделиться:
    Реклама
    Комментарии (0)
    Осталось символов: