Зыян күргән балага бер миллион сум күләмендә компенсация түләттерелде
Алексеевск районы прокуратурасы хокукка каршы гамәлләрдән зыян күргән балигъ булмаган бала файдасына мораль зыян өчен компенсация түләттерүгә иреште.
Күзәтчелек ведомствосында хәбәр итүләренчә, моңа кадәр районның өч кешесе Россия Федерациясе Җинаять кодексының 161 нче маддәсе 2 нче өлешенең «а» пункты буенча каралган җинаятьләрдә гаепле дип табылган. Моннан тыш, зыян күрүчегә карата хокукка каршы гамәлләрне җинаять җаваплылыгы яшенә җитмәгән тагын дүрт кеше дә кылган.
Әлеге вакыйга нәтиҗәсендә балигъ булмаган балага физик зыян гына түгел, җитди рухи газаплар да китерелгән. Кичергән стресс аның сәламәтлегенә тискәре йогынты ясаган. Үсмердә уникеилле эчәк авыруы һәм булган вакыйгалар фонында психик тайпылыш ачыкланган.
Баланың хокукларын яклау максатыннан прокуратура судка мораль зыян өчен компенсация түләттерү турында дәгъва гаризасы белән мөрәҗәгать иткән.
Суд тәкъдим ителгән материалларны карап, прокурорның дәгъва таләпләрен тулысынча канәгатьләндергән. Зыян күрүче файдасына 1 миллион сум күләмендә мораль зыян компенсациясе түләттерелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев