Алексеевск районының күп балалы гаиләләре торак төзү өчен бирелгән җирне үзара бүлештеләр.

Унбиш күп балалы гаилә Лебяжьеда урнашкан җир кишәрлекләренә ия булды. Һәр гаилә чират буенча үзләренә ошаган кишәрлекне сайлап алды. Башкарма комитет җитәкчесе урынбасары Руслан Язынин хәбәр иткәнчә, бу кишәрлекләргә инде газ кертелгән, һәм гариза буенча электр да үткәреләчәк. Шулай ук ул бүгенге көннән алып кишәрлек алу өчен чиратка басу өчен комиссия узарга кирәклеген билгеләп үтте, комиссия гаиләнең төзелеш өчен җирдә ихтыяҗы булу-булмауны билгеләячәк.

Шунысын да билгеләп үтәргә кирәк, беренчеләрдән булып кишәрлекне сайлап алу хокукы исемлектә беренче булып торучы һәм башкалардан алдарак барлык документларны тапшырган гаиләләрдә булды.

Шакировлар гаиләсе беренче булды, алар кырыйдагы кишәрлекне сайлады.

«Үз кишәрлекләребезне сайлый алуыбыз – бу бик яхшы. Кишәрлек ошый, ун сутый җире бар. Өй төзербез, биредә яшәрбез һәм балаларыбызга нидә булса калдырырбыз дип өметләнәм», - диде  Татьяна.

Уңышлы гына йортлар төзеп чыгуларын телибез!