Заря
  • Рус Тат
  • Алексеевск районы укытучыларына яңа ноутбуклар тапшырылды

    Алексеевск районында яңа техниканы беренчеләрдән булып зур эш стажы һәм мәгариф өлкәсендәге казанышлары булган педагоглар алды.

    Аларга ноутбукларны район башлыгы Сергей Демидов һәм «Ак Барс» банкының “Алексеевск №1” сату офисы җитәкчесе Венера Залакова тапшырды. Алексеевскиның барлыгы 146 педагогы яңа техника алачак.
    Татарстанда ноутбукларны яңарту масштаблы проект -цифрлаштыру елы кысаларында тормышка ашырыла. “Ак Барс” банкы Татарстан укытучыларына барлыгы 12 мең ноутбук тапшырачак.
    «Банк өчен хәйриячелек һәм икътисадның төрле өлкәләренә спонсорлык ярдәме – бу социаль җаваплылык сәясәтенең бер өлеше. Мәгариф безнең зур игътибар үзәгендә тора. Шуңа күрә банк әлеге проектка ярдәм итмичә булдыра алмады», - дип билгеләп үтте Венера Залакова.
    Аның сүзләренә караганда, бүләк ителгән ноутбуклар Татарстанның ICL предприятиесендә җитештерелгән. Ноутбукларга безнең илдә җитештерелгән «Мой Офис» һәм «Р7-офис» эшләнмәләренең офис программалары урнаштырылган. Әлеге офис пакетлары Microsoft Office аналоглары булып тора һәм аңа текст, таблица, шулай ук презентацияләр редакторлары кергән. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: