Алексеевскида Кызыл мәйданда тарихи парадта катнашучыларны хөрмәтләделәр

Алар Мәскәүнең Җиңү парадында катнаштылар, шуның өчен истәлекле медальләр белән бүләкләнделәр. Шушы көннәрдә егетләр өйләренә кайтып җиттеләр. Аларны башкарма комитет җитәкчесе Наил Кадыйров һәм хәрби комиссар Владимир Макаров сәламләде. Алар район башлыгы Сергей Демидов исеменнән солдатларга яхшы хезмәтләре өчен рәхмәт белдерделәр һәм истәлекле сувенирлар тапшырдылар.

Чакырылышка килгәндә быел армия сафларына 34 яшь алексеевскилы алынды. Алар гаскәрләрнең барлык төрләрендә дә хезмәт итәчәкләр. Аларның алтысы Севастопольдә хезмәт итәчәк.