Тәртип сакчылары өчен бүләкләр

Эчке эшләр министрлыгының Алексеевск районы буенча бүлегендә Эчке эшләр органнары хезмәткәрләре көне хөрмәтенә бүләкләү тантанасы узды.
Район башлыгы Сергей Демидов иң яхшы полицейскийларга хезмәтләре өчен бүләкләр тапшырды.
Сергей Демидов хез-мәткәрләргә хезмәтләренә тугрылыклары өчен рәхмәт белдерде һәм аларга нык сәламәтлек һәм тыныч күк йөзе теләде. Ул ассызыклаганча, тәүлек әйләнәсе үз вазифаларында булган шундый фидакарь кешеләр булмаса, дәүләтебездә тынычлык булуы мөмкин түгел. Ул шулай ук хезмәт ветераннарына аерым рәхмәт белдерде, аларның эшләренең әһәмиятле ролен һәм ярдәмен тоеп эшләүләрен әйтте.
Бүлек башлыгы Радик Әхмәтҗанов та котлау сүзләренә кушылды һәм районда иминлек һәм тәртипне тәэмин итүгә керткән өлешләре өчен хезмәттәшләренә һәм ветераннарга рәхмәт әйтте.

Алексеевск район башлыгының Рәхмәт хатлары һәм кыйммәтле бүләкләр белән түбәндәге полиция хезмәткәрләре билгеләнде: майор Алексей Мишанин, майор Евгений Балякин, юстиция майоры Вадим Зубрилов, капитан Илдар Зарипов, капитан Илнур Зиннәтуллин, өлкән лейтенант Сергей Асафьев, кече лейтенант Юлия Кудряшева, өлкән сержант Рәис Сәмигуллин, кече сержант Илназ Барышов.
Мактау грамотасы һәм кыйммәтле бүләккә полиция капитаны Илшат Маннанов, өлкән лейтенант Денис Иванов, өлкән лейтенант Юлия Ярославлева, эчке хезмәтнең өлкән лейтенанты Альбина Савинова һәм эчке хезмәт лейтенанты Марина Киселева лаек булды.

Полиция җитәкчесе Радик Әхмәтҗанов алдынгы хезмәткәрләргә һәм ветераннарга ведомство бүләкләре тапшырды.
Отставкадагы милиция подполковнигы Рәфис Шиһапов генерал-полковник Шумилин Борис Тихонович исемендәге премия лауреаты дипломы һәм Татарстан Республикасы буенча Эчке эшләр министрлыгының Мактау грамотасы белән бүләкләнде.
1 дәрәҗә «Хезмәттәге уңышлары өчен» медальне полиция майоры Екатерина Ламбинага һәм полиция капитаны Илнур Зиннәтуллинга тапшырдылар. 2 дәрәҗә «Хезмәттәге уңышлары өчен» медаленә полиция подполковнигы Илнар Вәлиев, полиция майоры Евгений Балякин, полициянең өлкән лейтенанты Александр Ламбин лаек булды. Полиция майоры Руслан Шакиров 3 дәрәҗә «Хезмәттәге уңышлары өчен» медале белән бүләкләнде. «Полиция отличнигы» күкрәккә тага торган билге белән полициянең өлкән сержанты Александр Белкин билгеләп үтелде.

Шул ук көнне Казанда участок уполномоченныйларына яңа хезмәт автомобильләре ачкычларын тапшыру тантанасы узды. Чарада Татарстан Республикасы рәисе Рөстәм Миңнеханов һәм ТР буенча эчке эшләр министры Артем Хохорин катнашты. Рөстәм Миңнеханов полиция хезмәткәрләрен һөнәри бәйрәмнәре белән котлады, участок уполномоченныйларының эчке эшләр органнары системасында мөһим звено булуларын һәм җәмәгать иминлеген тәэмин итүдә төп роль уйнавын ассызыклады. Барлыгы 29 автомобиль тапшырылды, алар республика районнарына китте. ВАЗ-21214 «Нива» автомобиле ачкычлары безнең районга да тапшырылды. Аларны полиция участогы хезмәткәре Алексей Мишанин алды.