Татарстанның балалар редакциясе Россиядә иң яхшысы дип танылды

(Казан, 2 июнь, “Татар-информ”). 31 майда Мәскәүдә “Балалар редакциясе медиамәктәбе” проектында җиңүчеләрне бүләкләделәр. “Социаль челтәрләр” номинациясендә Татарстанның Балалар зур редакциясе җиңде. Бу хакта Татарстан мәгариф һәм фән министрлыгы матбугат хезмәте хәбәр итә.

Лауреатларга “Океан” бөтенроссия балалар үзәгендә “Вакыйгалар үзәгендә” Бөтенроссия фестиваленә юллама, сын, дипломнар тапшырылды.

Чаллының 29нчы гимназиясе укучылары “Мәктәп ТВ” категориясендә иң яхшысы дип танылды. Аларга өченче дәрәҗә сертификат тапшырылды.

Бүләкләү чарасында медиа өлкәсендә хезмәт куючылар, җитәкчеләр, проект кураторлары катнашты.

Источник:http://tatar-inform.tatar/news/2018/06/02/165193/