Заря
  • Рус Тат
  • Патриотизм ясалма булырга тиеш түгел

    Узган җомгада район Советының утырышлар залында фашистлар Германиясен Җиңүнең 70 еллыгын бәйрәм итүгә әзерләнү буенча оештыру комитетының өченче утырышы булды.

    Яшьләрне ватанпәрвәрлек рухында тәрбияләү социаль мәсьәләләр буенча республика Президенты ярдәмчесе Татьяна Ларионова һәм Татарстан Республикасы Министрлар Кабинетының ЗАГС идарәсе начальнигы Эльмира Зарипова катнашкан очрашуның төп темасына әйләнде. Район ветераннар оешмасы рәисе Шамил Мөлековның чыгышы кызыклы булды, ул залда утыручыларның игътибарын яшьләрдә патриотизм хисе булмау кебек борчулы проблемага юнәлдерде. Хәер, бу гаҗәп тә түгел. Чөнки совет заманнарында дәүләт контрольлек итте һәм үз гражданнарына бөтен гомерләре буена юнәлеш биреп барды. Хәзер бу эш мәктәпләрдә генә алып барыла, шуңа күрә асылда илнең социаль-сәяси хәле нигезен тәшкил итүче патриотизм соңгы вакытта аксый. Ватанга мәхәббәт, яхшылыкка, идеалларга ышаныч, гражданлык бурычы хисе һәм башкалар кебек кыйммәтләрнең онытыла баруы гаҗәп түгел. Тормышлары һәм сәламәтлекләре бәрабәренә туган җиребезне немец басып алучыларыннан саклаган һәм илне героик хезмәтләре белән хәрабәләрдән күтәргән өлкән буын вәкилләре турында моны әйтеп булмый. Шуның белән Россия көчле дә иде. Шуңа күрә бүген, беркайчан да булмаганча, югалган приоритетларны торгызырга кирәк, дип ассызыклап үтте Шамил Кашап улы.


    Социаль мәсьәләләр буенча башкарма комитет җитәкчесе урынбасары Николай Чурин Бөек Ватан сугышы ветераннары, ветераннарның тол хатыннары, сугыш балалары һәм ветераннарга тиңләштерелгән Әфганстан һәм Чечнядагы сугыш хәрәкәтләрендә катнашучыларның лаеклы тормышын тәэмин итүгә юнәлдерелгән районда үткәрелә торган эш турында гомуми хәлне сурәтләп бирде. Шуның белән бергә ул җыелучыларны булган проблемаларны ачыкларга, бары тик бәйрәм чаралары белән генә чикләнеп калмыйча, бу эшне системалы төстә һәм һәркөнне үткәрергә чакырды.


    Район мәктәпләрендә үткәрелә торган балаларны патриотик рухта тәрбияләүгә юнәлдерелгән чаралар турында мәгариф бүлеге мөдире Рөстәм Кәбиров сөйләде. Атап әйткәндә, ул хәрби-патриотик клублар эшчәнлегендәге уңай тәҗрибәне билгеләп үтте, башлангыч хәрби әзерлеккә, батырлык дәресләренә, шулай ук ветераннарыбызга күрсәтелә торган шефлык ярдәменә аерым тукталды. Аграр колледж директоры Валерий Фадеев, үз чиратында, үзләренең уку йортларында укучы яшьләрне патриотик тәрбияләүнең нәтиҗәле коралына әйләнгән социаль волонтерлек турында сөйләде.


    Бу эш бигрәк тә хәзер, арабызда ул куркыныч хәрби вакыйгаларның шаһитлары һәм турыдан-туры катнашучылары азайганнан-азая барганда, район башлыгы Владимир Козонков әйткәнчә, хәтта иң яшь ветераннар да инде сиксәннең теге ягында булганда аеруча мөһим. Ләкин нәкъ менә алар, фронтта һәм тылда җиңү яулаган кешеләр, иң лаеклы һәм шул ук вакытта кайгыртучанлык һәм игътибар таләп итүче халыкның иң нечкә күңелле категориясе булып торалар. Бәхеткә, "Торак - ветераннарга!" Программасы нәтиҗәсендә 400 ветеран һәм ветераннарның тол хатыннарыннан 350сен яңа торак белән тәэмин итәргә яки яшәү шартларын яхшыртырга мөмкин булды, өстәвенә әлеге юнәлештә эш дәвам итә. Моннан тыш, аларга һәртөрле социаль, шул исәптән адреслы ярдәм күрсәтелә. Ләкин күрелә торган барлык чараларга да карамастан, өлкән буын вәкилләрен социаль яклау, аларны дару препаратлары, шифаханәләргә юлламалар белән тәэмин итү белән бәйләнгән күп кенә хәл ителмәгән мәсьәләләр һәм башка кимчелекләр бар, дип искәртте Владимир Константинович.


    - Ярый әле җанны әрнетә торган кайбер нәрсәләрне район башлыгы гына булса да әйтеп китте, - диде социаль мәсьәләләр буенча республика Президенты ярдәмчесе Татьяна Ларионова йомгак ясап. - Чөнки бүген мин патриотизм белән бәйләнгән бер генә проблеманы да ишетмәдем. Мин ни анализ, ни тәкъдим ясауны, ни яңа идеяләрне көтеп ала алмадым. Һич шигем юк, сездә, чыннан да, сез сөйләгән эш алып барыла. Ләкин заманалар, шулай ук яшьләр дә үзгәрә, шуңа күрә патриотик тәрбия өлкәсендә яңа карашларга таянырга кирәк.


    Утырышка кадәр һәрвакыт тормышлары, мәшәкатьләре һәм әһәмиятле проблемалары турында белү өчен ветераннарның өйләренә барабыз. Ни кызганыч, норматив документлар буенча аларның кайберләренә социаль хезмәткәрләр беркетелгән. Ләкин, әйтергә кирәк, сүз әлеге героик буын вәкилләренә дарулар, ашамлыклар, беренче кирәк-ярак товарлары алып килү турында гына бармый. Алар янына барып, сөйләшеп утырырга кирәк, чөнки өлкән кешеләр аралашуга бик мохтаҗлар. Һәр ветеранга - ә алар безнең районда бик аз - 58 кеше генә калды - волонтерлар беркетелергә тиеш. Бөек Ватан сугышы ветераннары шулкадәр зур җиңүгә ирештеләр ки, без алар турында чарадан чарага гына түгел, ә һәрдаим кайгыртып торырга тиешбез. Патриотизм ясалма булырга тиеш түгел. Киләсе утырышта үткәрелә торган эшнең конкрет нәтиҗәләре турында белербез, дип өметләнәм, дип билгеләде яңа бурычларны Татьяна Ларионова.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: