Заря
  • Рус Тат
  • Балалар иҗаты үзәге чакыра...

    Соңгы берничә ел дәвамында район үзәгенең беренче мәктәбе базасында урнашкан балалар иҗаты үзәге, октябрь башында ишекләрен ачып, быелгы уку елында үзенең эшчәнлеге башлану турында игълан итте. Чарага чакырылган укучылар сыйныф җитәкчеләре белән бергә мәктәп залында ук бәйрәм халәтенә кереп чумдылар. Г.Хөснетдинова җитәкчелегендәге "Йолдызлы балачак" музыкаль төркеме катнашучылары хезмәт көненнән соң...

    Соңгы берничә ел дәвамында район үзәгенең беренче мәктәбе базасында урнашкан балалар иҗаты үзәге, октябрь башында ишекләрен ачып, быелгы уку елында үзенең эшчәнлеге башлану турында игълан итте.

    Чарага чакырылган укучылар сыйныф җитәкчеләре белән бергә мәктәп залында ук бәйрәм халәтенә кереп чумдылар.
    Г.Хөснетдинова җитәкчелегендәге "Йолдызлы балачак" музыкаль төркеме катнашучылары хезмәт көненнән соң бераз арыган балаларны ял итү дулкынына көйләделәр. Оештыру бүлеге мөдире И.Сметанина һәм өстәмә белем бирү педагогы Н.Степанова оештырган массакүләм уеннар малайларның һәм кызларның кәефен күтәрде.
    Алда балаларны "Йолдыз" хәрби-патриотик, "Яшь эколог" берләшмәләрен, "Яшь журналист", "Яшь рәссамчы" түгәрәкләрен тәкъдир итү буенча кызыклы дәресләр һәм мастер-класслар көтте, анда балалар берничә минут эчендә теге яки бу эшнең нигезе белән таныша, үзләрен сәйлән һәм тасма белән бәйләү, техник модельләштерү буенча сынап карый алдылар.
    Үзәктә иҗат остаханәләре берничә юнәлеш: художество-эстетик, хәрби-патриотик, экологик-биологик, табигый-фәнни һәм социаль-педагогик юнәлешләр буенча эшли.
    Барлыгы районда, шул исәптән мәктәпләр һәм мәктәпкәчә балалар учреждениеләре базаларында 118 түгәрәк һәм берләшмә эшли. Аларга, үзәк мәгълүматлары буенча, 1692 бала йөри инде, бу укучыларның гомуми санының 60%ы чамасын тәшкил итә.
    Шулай итеп, балалар иҗаты үзәге үзенең дәресләренә чакыра! Монда мәктәпкәчә яшьтәге һәр бала, дәреслекләрнең кәгазь һәм электрон битләреннән вакытлыча аерылып, көннең икенче яртысын файдалы итеп үткәрә ала. Балаларга төрле фәнни өлкәләрдә тормыш өчен кирәкле белемнәрне алып кына калмыйча, ә бәлки иҗади яктан уңышлы үсүләрен һәм талантларын тормышка ашыруларын теләп калабыз.
    * * *
    Ә бәйрәмдә булган балалар үзләре нәрсә уйлыйлар икән соң?
    Анатолий Садовников, 2нче Алексеевск урта мәктәбенең 5Б сыйныф укучысы: "Мин балалар иҗаты үзәгенең "Ачык ишекләр көне" бәйрәмендә һәм "Яшь журналист" түгәрәге дәресендә булуыма бик шатмын, бу түгәрәккә бик шатланып йөриячәкмен".
    Валентина Кудинова, 3нче Алексеевск урта мәктәбенең 5нче сыйныф укучысы: "Искиткеч бәйрәм! Безне җылы һәм ихтирам белән каршы алдылар. Үзәкнең түгәрәкләренә, һичшиксез, йөриячәкмен".
    Рәсил Галиев, 3нче Алексеевск урта мәктәбенең 5нче сыйныф укучысы: "Бик шәп! Бик матур бәйрәм! Безне күңелле җырлар белән каршы алдылар, кызыклы уеннар үткәрделәр. "Осталар шәһәре" берләшмәсе дәресләрендә без тасмалардан фенечкалар ясарга өйрәндек, аларның берсен мин сыйныфташ кызыма бүләк иттем".

    Нравится
    Поделиться:
    Реклама
    Комментарии (0)
    Осталось символов: