Аграр көллияттә агросәнәгать комплексы белгечләренең укуы узды

Аграр университет һәм Татарстанның агробизнес кадрларын яңадан әзерләү институты хезмәткәрләре агросәнәгать комплексы тармагының нәтиҗәлелеген арттыру мәсьәләләренә игътибар бирделәр. Аерым алганда, чәчү мәйданнары структурасын оптимальләштерү, закончалыклардагы яңалыклар, авыл хуҗалыгы культураларын үстерүнең яңа технологияләре турында сүз барды. Курсларны тыңлаучыларны Татарстанның агробизнес кадрларын яңадан әзерләү институты (ТИПКА) ректоры Николай Якушкин сәламләде, ул шулай ук укытуны үткәрү процессында катнашты.