Заря
  • Рус Тат
  • Башлык басым ясады

    Атна башында район башлыгы В.Козонков җирлек башлыклары һәм муниципалитет активы белән киңәшмә үткәрде, аның барышында терроризмга һәм коррупциягә каршы эш турында хисаплар тыңланды. 2012 елга гаилә фермаларын үстерү программасы белән авыл хуҗалыгы һәм азык-төлек идарәсе начальнигы Г. Мусин чыкты. Узган ел өчен район авыллары җирлекләренең эшенә йомгакларны район Советы рәисе...

    Атна башында район башлыгы В.Козонков җирлек башлыклары һәм муниципалитет активы белән киңәшмә үткәрде, аның барышында терроризмга һәм коррупциягә каршы эш турында хисаплар тыңланды. 2012 елга гаилә фермаларын үстерү программасы белән авыл хуҗалыгы һәм азык-төлек идарәсе начальнигы Г. Мусин чыкты. Узган ел өчен район авыллары җирлекләренең эшенә йомгакларны район Советы рәисе урынбасары Г.Белова ясады.

    Полиция начальнигы А.Солдатов докладыннан ТРда һәм аның күп кенә районнарында террорчылыкка каршы көрәштә гадәти булмаган хәл тууы ачыкланды. Якынлашып килүче Универсиада уңаеннан Чистай, Биектау, Чирмешән һәм Нурлат районнарында булып узган очраклар экстремистларның безнең республика белән кызыксынуларын раслады. В.Козонков, полиция начальнигының чыгышына аңлатма биреп, халыкның дини аңын аеруча мохтаҗларга матди ярдәм күрсәтү тәкъдимен файдаланып күтәрү ысуллары турында сөйләде. «Сезгә, җирлек башлыкларына, килгән кешеләргә аеруча да игътибарлы булырга, хәлләрне белеп торырга, хәбәр итү системасын эшләргә кирәк»,-дип искәртеп үтте Владимир Константинович. Ул шулай ук эшнең әлегә җитәрлек кадәр төгәл куелмаганлыгын әйтеп бирде.

    Башкарма комитет җитәкчесе 2011 елда коррупциягә каршы тору буенча комиссия эше, әлеге мәсьәләдә хәлне савыктыруга юнәлдерелгән чаралар комплексы турында хәбәр итте. Җаваплы кешеләр эшенең максималь үтә күренмәлелеген районның депутатлар корпусы кабул иткән 2012-2014 елларга коррупциягә каршы көрәш программасы тәэмин итәргә тиеш. Бистәдә куелган хәбәрдарлык әрҗәләре, район сайтын файдалану, район газетасындагы мәкаләләр бу явызлык белән көрәштә ярдәм булып торалар."Системалы коррупция системасы бар икән, каршылык күрсәтү буенча системалы эш тә булачак. Һәм без аны көн саен көчәйтәчәкбез",-дип ышандырды район башлыгы. Ул җитәкчеләргә төрле документларга кул куюда игътибарлырак булырга, җирлек тормышындагы иң мөһим мәсьәләләр турында фикер йөртүдә гражданнар җыеннарыннан файдаланырга чакырды.
    Г.Мусин 2012 елда гаилә фермалары төзү эшенә кыскача гына тукталды. Льготалы финанслау системасы, район җитәкчелеге бизнесның бу төре белән шөгыльләнергә карар иткән кешеләргә күрсәтелә торган чаралар комплексы турында сөйләде. В.Козонков сүзләренә караганда, быел кимендә 10 ферма төзүдә ярдәм итү бурычы куелды. Федераль программа эшмәкәрләргә аеруча актив булышучы җирлек башлыкларын матди бүләкләүне күздә тота.
    Киңәшмә азагында Г.Белова җирлекләр эшен тирәнтен анализлап чыгыш ясады. Ул хакта газета киләсе санда сөйләячәк.
    Нравится
    Поделиться:
    Реклама
    Комментарии (0)
    Осталось символов: