Безне Сабантуй бәйрәмендә нәрсә көтә

Район халкы һәм кунаклар, гадәттәгечә, мәйданга чакырыла, анда алар игътибарына җил тегермәне, тимерче, чүлмәк ясау һәм туку остаханәләре урнашкан авыл ишегалды белән "Рус авылы" этнография комплексы тәкъдим ителә. Ярминкә мәйданында күптөрле әйберләр сатып алырга, ял итәргә һәм чатырга кереп тамак ялгап алырга мөмкин булачак. Бала-чага өчен иске стильдә таганнар һәм карусельләр урнаштырылачак. Чараны үзешчән сәнгать осталары программасы, мастер-класслар, балалар кул эшләре күргәзмәсе, трибунаның кунак залында урнашачак фотокүргәзмә, музей экспозицияләре тулыландырачак һәм төрләндерәчәк. Һәм, әлбәттә, бәйрәмдә милли көрәш, спорт ярышлары, ат чабышы һәм колгага әтәч алырга менүләр булачак.