Заря
  • Рус Тат
  • Ксюша барысын да таң калдырды

    Якшәмбе көнне, 19 майда, Г.Тукай исемендәге Татар дәүләт филармониясендә "Татарстан мини-миссы-2013" конкурсының финалы булды, анда якташыбыз Ксения Курмышева иң яхшылар бишлегенә кереп, "Сокландыргыч мисс" титулын яулады.

    Конкурста барлыгы 5 яшьтән 16 яшькә кадәрге 115 бала катнашты. Финал өлешенә 32 конкурсант үтте, алар арасында март аенда район этабында җиңеп чыккан Ксения дә бар иде. Таҗ өчен көрәштә кызлар иҗади сәләтләрен күрсәттеләр - җырладылар, шигырьләр сөйләделәр, биеделәр, спорт номерлары күрсәт-теләр. Ксениянең сәнгать җитәкчесе Татьяна Самсонова әйтүенчә, конкурска "бөтен дөнья" белән әзерләнгәннәр. Аның башкаруында "Школьный рэп" җырына кушылып җырлау өчен үзләре белән тагын 4 кызны алып килгәннәр.
    Ксюшаның әнисе Наталья һаман да исенә-акылына килә алмый: "Җиңүчеләрне игълан иткәндә без үз исемебезне ишетербез дип уйламаган идек, әйтеп бетергесез шатлык кичердек. Без моңа озак бардык, район конкурсында чыгыш ясаудан тыш, атна буена Казанда яшәдек, анда гала-концертка әзерләндек. Иртәге 9дан кичке 7гә кадәр репетиция ясадык. Ксюшага барыннан да бигрәк "Дорога из города" театры хореографистлары белән эшләү ошады, ул номерларны даими шомартудан бик арый иде.
    Район үзәгенең 2нче мәктәбеннән 3нче сыйныф укучысы үзенең уңышына әллә ни сөенми, чөнки ул бары тик беренче урынга гына исәп тоткан була.
    - Чыгыш ясаганда дулкынлану хисләре дә, курку хисләре дә кичермәдем, Казанда яшәгәндә Казан һәм Лениногорск кызлары белән дуслашып беттем. Иң яхшылар бишлегенә кереп, Ксюша көз көне Төркиядә булачак Халыкара Mini miss and mister world fashion-2013" матурлык һәм талантлар конкурсында катнашу мөмкинлеге алды.
    Ксюшаның әнисе: "Без әле бу конкурстан арынып та бетмәдек, ул инде анда барырга тели, образ һәм номер турында уйлый башлады, - ди. - Акча таба алсак, бәлки, анда барырбыз, бер оештыру кертеме генә дә 40 мең сумга якын тора бит. Теләсә нинди очракта да үзебез генә берни эшли алмаячакбыз. "Татарстан миссы" конкурсында катнашуда ярдәм иткәннәре өчен район башлыгы Владимир Козонковка, район мәдәният йорты хезмәткәрләре Татьяна Самсоновага, Елена Секалинага һәм безгә булышкан бөтен кешегә рәхмәт әйтәбез.

    БЕЛЕШМӘ

    Курмышева Ксения актив тормыш алып бара, җыр һәм биюләрдән тыш йөзү, шахмат белән дә шөгыльләнә, өстәвенә мәктәптә бик яхшы билгеләренә генә укый.

    Нравится
    Поделиться:
    Реклама
    Комментарии (0)
    Осталось символов: