Программа бай булачак - “Алексеевск чаң тавышлары - 2017"

Бүген бөтен Россиядән һәм якын чит илдән 50 дән артык чаң кагучыныңкилүе көтелә. Алар арасында Мәскәүдәге Даниловск кыңгырау үзәгенең мәгълүмат бүлеге мөдире Павел Лялин, Минск духовный училищесының чаң кагучылар бүлеге мөдире Богдан Березкин, Казахстаннан дьякон Владимир Герасимов, Украинадан Ирина Звягольская һәм Николай Олейник, Түбән Новгород кыңгырау сәнгате җитәкчесе Алексей Кофанов, шулай ук Россия кыңгырау сәнгате ассоциациясе президенты Александр Ярешко кебек кыңгырау чыңының танылган осталары да бар.

Фестиваль шимбә көнне сәгать унда чаң кагучылар район мәдәният йортына "Кыңгырау чыңы: тарих, традицияләр, хәзерге заман" исемле фәнни-гамәли конференциягә җыелгач башлана. Конференциягә теләге булган бөтен кеше килә ала. Көндезге 1 дән 3 кә кадәр кыңгырау чыңы буенча мастер-класслар үткәреләчәк.

Төп бәйрәм чаралары якшәмбе көнне булачак. Иртәнге 8 дән 10 га кадәр Чиркәүдә гыйбадәт кылыначак. Ә 11 дә фестивальнең гала-концерты башланачак. Сәгать 1 дә фестиваль марафоны старт алачак, ул кичке 6 га кадәр барачак. Бераз тәнәфес булып алганнан соң кичке 8 дә төп сәхнәдә кичке концерт башланачак. Кыңгырау чыңы бәйрәме кичке 10 да фейерверк белән тәмамланачак.

Бу көнне алексеевскилылар һәм фестиваль кунаклары өчен дини һәм халык музыкасы авторлары һәм башкаручылары, төрле жанрдагы фольклор һәм бию коллективлары чыгыш ясаячак. Алар арасында Анна Сизова, Станислав Бартеньев һәм башкалар бар.

Шулай ук быел иң кечкенә казак Иван Шуваровның катнашуы да көтелә. Моннан тыш, фестиваль программасында - "Осталар шәһәре" халык һөнәрләре әйберләре ярминкә-сатулары, мастер-класслар, балалар мәйданчыгы.

Хәрби-тарихи клублар катнашында "Казаклар бистәсе" ("Казачья слобода") проекты тәкъдим ителәчәк. Барыгызны да фестивальдә көтеп калабыз.