Заря
  • Рус Тат
  • Туган җиргә мөнәсәбәт

    Авыл җирлекләре территорияләрен чистарту буенча икеайлык артта калды. Аңа йомгаклар район Сабантуенда ясалды. Тәртип урнаштыруда актив катнашканнар арасында Родники авыл җирлеге авылны төзекләндерү буенча район конкурсында мактаулы беренче урынны алды. Родникины һәм тирә-як авылларны тиешле тәртипкә китерү өчен ничек эшләүләре турында Родники авыл җирлеге бухгалтеры Светлана Гаврюшова сөйли. -Хәзер безнең...

    Авыл җирлекләре территорияләрен чистарту буенча икеайлык артта калды. Аңа йомгаклар район Сабантуенда ясалды. Тәртип урнаштыруда актив катнашканнар арасында Родники авыл җирлеге авылны төзекләндерү буенча район конкурсында мактаулы беренче урынны алды. Родникины һәм тирә-як авылларны тиешле тәртипкә китерү өчен ничек эшләүләре турында Родники авыл җирлеге бухгалтеры Светлана Гаврюшова сөйли.
    -Хәзер безнең җирлек урамнарында "Чиста авыл-матур тормыш" дигән элмә тактаны очратырга була. Авыл матур, чиста булсын өчен без байтак тырышлык куйдык.
    Җирле үзидарә башлыгы Владимир Плотников төзекләндерү буенча чаралар планын эшләде. Эшләр барышын тикшереп, конкрет эшкә керештек: территорияләрне һәртөрле чүп-чардан чистарттык, зират янында һәм һәр елны үзләренең кабатланмас матурлыгы белән сөендереп, аккошлар очып килә торган күлне уратып алган Тиган Булак ерымында бигрәк тырышып эшләргә туры килде...
    Әлбәттә, җирлеге-бездә ирекле хәрәкәтнең иң яхшы традицияләрен армый-талмый саклаучы төп көчнең мәдәният, башкарма комитет һәм социаль яклау хезмәткәрләре икәнен яшереп торырга кирәкми. Берничә кешедән торган команда алай ук күп түгел, өстәвенә җирлекнең төзекләндерүгә зур матди чаралары да юк. Шуңа күрә җирле администрация авылны матурайту буенча бөтен эшләрне әллә ни матди чыгымнарсыз, ягъни үз көчләре белән башкарырга карар кабул итте. Кешеләр дә үзләренчә тырышты: бүрәнәләрне җыештырып алдылар, бакчаларыннан, ишегалларыннан, өй яннарыннан бөтен артык әйберне чыгардылар, үсентеләр утырттылар.
    Җирлек администрациясе Тиган Булак кешеләре Елена Семеновна белән Сидор Иванович Плотниковларга, шулай ук Анастасия Михайловна белән Виктор Иванович Зайцевларга аеруча рәхмәтле. Алар санитар чистарту эшенә байтак өлеш керттеләр.
    Бер хакыйкатьне тагын бер кат бөтен кешенең исенә төшерәсем килә: без үз-үзебезне мәдәниятле тотмасак-торак территорияне, зиратны, парк зоналарын, елгаларны, урманнарны, кырларны чүп-чар белән чүпләсәк, властьларның, ирекле ярдәмчеләрнең бернинди тырышлыгы да авылларыбызны чистарак һәм матуррак итә алмаячак. Без үз җирләребезнең турыдан-туры хуҗалары булып торабыз, һәм нәкъ менә безгә чисталык һәм тәртип өчен җаваплылык ышанып тапшырылган.
    Икенче һәм өченче урыннарны алган Войкино һәм Биләр җирлекләрен дә кертеп, конкурста барлык җиңүчеләргә приз итеп газ чапкычлары тапшырылды.

    Нравится
    Поделиться:
    Реклама
    Комментарии (0)
    Осталось символов: