Заря
  • Рус Тат
  • Туучылар саны артты

    ЗАГС бүлеге мәгълүматлары буенча декабрьдә 32 бала: 22 малай һәм 10 кыз туган. Ел буена 342 бала дөньяга килгән, бу 2012 елның шул ук чоры белән чагыштырганда 38 сабыйга күбрәк.

    Җиде гаиләдә - беренче, унбиштә - икенче, алты гаиләдә - өченче, дүрт гаиләдә дүртенче һәм аннан да күбрәк бала якты дөньяга аваз салган. Ата-аналар балаларына Айсылу, Александра, Анастасия, Арина, Даринә, Есения, Полина, Рената, Эвелина, Ярослава; Артем, Вадим, Глеб, Даниил, Евгений, Илназ, Илья, Кәрим, Матвей, Морат, Никита, Николай, Павел, Рамил, Рифат, Родион, Роман, Самир дигән исемнәр кушканнар.

    Соңгы айда нибары 10 гаилә никахланышкан. Бер ел эчендә 218 никах теркәлгән, бу - 2012 елдагыдан 38гә күбрәк. Ә менә декабрьдә 8 гаилә таркалган. Бер елда 83 гаилә никах җепләрен өзгән, шуның белән 2012 ел дәрәҗәсе сакланып калган.

    Үлем-китемгә килгәндә, декабрьдә 36 кеше: 27 ир-ат һәм 9 хатын-кыз бакыйлыкка күчкән. Аларның алтысы һәм икесе хезмәткә сәләтле яшьтә булган. 2013 елда район 373 кешесен югалткан, 2012 ел белән чагыштырганда алар 25кә азайган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: